紀錄一下: 加息了, 不過...

十年來首次加 P, 不過加得0.125%........即係跟唔足
美國都加0.25% 啦


匯豐銀行將最優惠利率調高至５﹒１２５％
http://www.etnet.com.hk/www/tc/news/categorized_news_detail.php?category=latest&newsid=ETN280927912


今日除左美國/香港加息, Oaktree 出左今年既 MEMO, 有點警世味道


Oaktree Capital Memo
THE SEVEN WORST WORDS IN THE WORLD
"Too much money chasing too few deals"
http://www.oaktreecapital.com/docs/default-source/memos/the-seven-worst-words-in-the-world.pdf

中秋佳節前的大奇蹟日

中秋佳節前的大奇蹟日


首先二當家恭祝各位, 中秋節快樂, 人月兩團圓。

上星期五港匯急升, 升勢係急到離奇, 市場上有好多不同的猜測, 有人話 CARRY TRADE 停止, 有人話係淡倉平倉, 有人話係預期加息, 有人話係外資買港股, 有人話銀行預備 FPS, 有人話係 FAT FINGER。 我諗除非真係業內人仕, 否則一般投資者難以理解真係既原因。 雖然如此, 二當家對呢類咁大幅度既升跌都好有戒心, 而且今次係匯市, 影響比股市更深, 尤其係公假前, 最怕有大鱷黎搵食。

黎緊又議息, 新聞話美國9成都會加息, 而香港好有機會第一次加息, 不過就算加到 2 厘, 感覺上大家都不痛不癢, 上網睇D 人講都係話供多幾千蚊, 又唔係供唔起。二當家就怕有部份人習慣左零息年代, 如二當家自己, 出黎做野開始就已經係零息, 未試過加息/高息時還款既痛苦。加息既速度有幾快? 宜家大家都係諗緊每次25點子, 一年4次, 但意外既野好難講, 尤其係美國換左 TRUMP TRUMP, 貿易戰會否令到通脹加快? 通脹加快會否又令到加息加快? 學曹仁超話齋「木宰羊」, 唯一肯定既係利息已轉勢, 過去十年行得通既野, 明日仲行唔行得通呢?

港匯升破7.8關 創15年單日最勁 市場指不尋常

陸振球﹕港匯急升的啟示

港匯突升0.6% 15年最勁 拆息全線揚 銀公：拉近港加息時間

港樓 講樓

這篇是二當家與友人把酒談歡後，在酒醉情況下寫的文章 如果不同意的話敬請勿插。


友人是專業人士，兩年前買了一個三房的單位價錢，大約820萬，如今已經升值到差不多1000萬。友人與我談論樓市的看法，老實說二當家並無物業，而且對樓市並不看好，因為根據各個指標如回報率，承擔能力，經濟，政治，供求，升值預期等，也顯示香港的樓貴得不可思議。二當家唯一可以解釋樓市的價格在這個高位的原因只有一個，就是對外來人口帶來的升值預期。

友人說出樓貴的其中一個理由是香港人並沒有移居其他地方的習慣。 例如 中國人會在畢業後到其他城市打工，並回老家置業。同樣的情況在美國/日本也會發生。 而香港人並沒有一個這個習慣，大部分的香港人在畢業後也會跟父母同居，直至到有能力置業，我想這個其是一個很重要的原因香港人為什麼會對樓這個投資項目有很高的熱情。

二當家在想為什麼香港人不能在海外打工呢？在現今的科技發達社會裏基本上就算你是身居海外，也可跟家人有非常緊密的聯繫，為什麼一定要困在這個城市裏呢？

另外，友人說樓貴的另一個原因是希望把物業/資產留給子女。可惜二當家還沒有子女，所以在這方面沒有壓力，而且二當家正在居住的地方租金也相對地便宜，所以二當家並沒有當務之急。

現時已經二當家已經三十五歲了，如果要再供30年物業，供滿時就已經65歲了。如果我把全部的資產投資在物業上，還不如提供一個舒適的環境給我的下一代。

利率會變，而你買入的價格不會變。你八百萬買入的樓，跟四百萬時買入的樓沒有分別，當加息時，利息的支出還是會增加。

你可以說二當家是樓市的淡友，但二當家的想法還是人活著應該要有自由，有工作的自由，有不工作的自由，有買樓的自由，也有不買樓的自由。為何要被這個社會的意識形態困著呢？

離1997已經二十多年了，三十年後的香港是否還能保持著一國兩制呢？對我來說這個是問號。我也沒有很樂觀的看法，如果最後香港只是一個中國的二線城市，那現在的樓價是否應該跟中國的二線城市看齊呢？我不知道也不敢去想。但現左的樓價，還是比上海的貴了差不多一倍。

科技令我們拉近了距離，人生裡面只有幾件事情還是不可逆轉的，物理上地域的限制，時間，空間，思想等。科技已經把多方面改善了，你可以投資SG 的REIT, 美國的BOND,  ETD等。知識改變命運及你的眼界，為何要執著置業呢？就算把物業留給子女，沒有智慧，子女還能一世無憂嗎？

所以如果二當家有能力的話，仍然 會考慮不同的機會，希望能提升生活質素 。而不是希望買了一個千萬的物業，每日愁眉苦面，為未來三十年的供款擔驚受怕。

停下來, 找回自己人生的步伐

停下來, 找回自己人生的步伐

看到福兄 FB 的留言,有感而發。

//風災過後，市面還未完全恢復安全和秩序，廣大市民已經趕上班、追速度、趕效率、快快快⋯⋯

朋友問：「有時靜下來諗下都唔知咁efficient為左乜....」

筆者答：「為了不被資本主義的巨輪輾斃，結果自己跑到暴斃。」//

其實福兄所講的, 亦是二當家所想的。在香港, 所有的東西都太快, 太efficient。去到澳牛(香港有夠荼餐廳), 坐低落單30秒內完成, 最好坐低前先想清楚有點咩野食, 否則侍應哥哥會俾你一D無形既壓力, 落單後60秒內就把食物遞上, 大家都知是 PRECOOKED, 食完即收, 飲完即走, 呢方面既 efficient, 那個地方及得上香港?

但我地今日食飯, 係唔係純粹為左生存需要? 還是希望有更深層既追求呢?

二當家發覺越來越多餐廳一食完就幫你收野, 你唔走就收埋杯野飲, 再唔走就幫你抹枱, 甚至同你講有人等緊枱, 請你讓張枱出黎。亦有部份餐廳有分時段進餐(我想只有香港有咁既玩法), 晚上6~8, 唔得就 8~10。點解會咁, 因為租貴, 人工貴, D客又俾唔起錢, 唔可以將成本轉晒俾消費者, 加價都加唔到咁多啦。 唯一既方法係做多兩轉至夠COVER 個成本/賺多D, 換句話說, 可以話係鋪租金蠶食了我們的生活水平。

呢D經驗令到二當家越黎越唔鐘意出街食飯, 一來怕多人, 二來洗錢好多時仲要受氣, 何苦呢? 之前睇陶傑在五夜學人的訪問, 說 PRICE & VALUE (不是股票的 VALUE), 大部份香港人只看 PRICE & RETURE, 計唔到數既 VALUE 呢? 沒人理。 例如, 別人辛辛苦苦的成果, 經營的方法, 申請的專營權, 一個 COPY CAT , 把價格壓下來, 作為消費者, 是否真的可以什麼都不理只看 PRICE ? 消費者真的沒有社會責任嗎? (什麼名創優品, 小米等)

只看 PRICE 的結果, 結果可能是 Discourage 那些密密地背後努力的人。寫一本新書, 可能轉眼間就可以在網上找到免費的 EBOOK, 作者沒有收入, 沒有推動力再寫, 最後可能放棄創作, 或者只寫一些能賣錢的東西(想起劉以鬯老師的<酒徒>), 不斷巡迴的後果只剩低一D沒養份只賣錢的作品。

太快, 太功利, 太EFFIECNT, 有時候反而欣賞不到自然/內在的美。對於沒有標價的東西缺乏欣賞能力(或麻木了), 為左利益可以把自己的埋沒良心(例如假貨, 黑心食物)。為什麼香港人不快樂? 因為大家都只追求數字上的表現, 沒人去關心自己或別人的感受或追求更深層次的意義。

o係香港, 由小朋友未出世開始就要爭, 爭陪月, 爭PRE-N 班, 爭N班等。其實我地追求緊D咩? 有大部人一直想將自已認為最好的東西給小孩子, 增加他們的競爭力或賺錢能力, 但你真係係認為咁O既人生真係最好? 

二當家還是傻傻地認為「真善美」的人生才是最好的 (利申: 非耶撚), 一段真誠的關係, 一顆善良的心及一段美好的時光(不是由別人付予)。香港人太多, 太密集, 加上網絡媒體的發達, 令到好多人為左爭取到別人的認同而改變自己, 太多既比較, 太多既競爭, 太多數字上的追求。 二當家希望大家有機會都俾自己停下來, 找回自己人生的步伐。

PS. 說時容易做時難, 加入了70s 的群組, 一日幾百個 msg 呀, 點慢落黎呀 😂

A Template For Understanding BIG DEBT CRISES by Ray Dalio

明星級投資基金大佬 RAY DALIO 本新書, 網上宜家有得 FREE DOWNLOAD。

二當家睇左 1/10 左右, 本書好正, 仲正過上一本 <PRINCIPLES>, 因為<PRINCIPLES>係講佢既思考方法同工作方式, 點樣應用係佢日常生活同工作。而今次呢本 <A Template For Understanding BIG DEBT CRISES> 我可以話係工具書, 因為入面有更多實際既知識, 圖表, 數據去分析經濟周期。而且仲要係免費, 免費, 免費俾你DOWNLOAD (重要既事情要講三次)。睇左1/10 已經覺得要買 HARDCOPY 版, 因為太多 NOTES 要 JOT 低, 英文亦唔難, 絕對買得過。



睇完本書唔會幫你發達, 但係如果你同二當家一樣對呢個經濟周期充滿好奇, 想知更多既話, 二當家強烈推介!!!



https://www.principles.com/big-debt-crises/



另外 CNBC 同 RAY DALIO 做左個訪問, 當中有佢對中國既睇法, 亦都係不容錯過。

訪問中有一點二當家是十分同意的, o係美國, 企業係打出黎 (BOTTOM UP), 而係中國, 好多企業係扶持出黎, 你可以想像為溫室入面既花朵, 但係個溫室可以保護D企業幾耐呢? 同埋一有D咩風吹草動, 中國既政府/企業又有幾大既能力去控制到呢? 一個唔向外開放既市場又係唔係真係咁好呢? 呢幾點都好值得思量一下。二當家唔係想「支爆」, 因為中國唔好, 香港一定唔會好, 今時今日你真係覺得有人會為左香港而得罪中國? 香港人拎住本 BNO 可以去英國移民?



在二當家立場來說, 我是希望中國進步起來 (指人民教育, 官僚體制等方面), 因為你再錢, 都係買唔到人既尊重, 而我同意陶傑先生所言, 係個體制令到高質既人係社會上唔成功, 而一D 低質/霸道既人反而有機會出人頭地, 希望有一日呢個體制會有所改變。





Watch CNBC's full interview with Ray Dalio on lessons from the financial crisis

https://www.cnbc.com/video/2018/09/11/ray-dalio-bridgewater-financial-crisis-economy-debt.html



鱷王親自深度解構：為何目前形勢似1930年代？
http://hk.on.cc/hk/bkn/cnt/finance/20180913/bkn-20180913222209347-0913_00842_001.html

五夜講場 - 學人講經濟 2018：陶說本土

近來受益得最多的一個訪問, 當中很多論點我也是十分讚同。

聽網台, 解構「美臀」

小米就同股不同權, 「美臀」就不同股但係同權, 又可將優先股轉換為普通股, 又有投票權, 呢D 咪金融創新囉, 可能轉個頭又入埋指數, 散戶唔買唔緊要, 大把基金佬用我地既血汗錢買。

計每股盈利果陣, 應該用稀釋前既股數去計, 定稀釋後呢? 仲有忽高忽低既佣金, 折現率, 無型資產等.....以前學到既野, 係呢隻股到可能未必適用。

勵志系列: 賣曲奇賣到申請上市

新股專輯：本地曲奇品牌「曲奇4重奏」申上市
曲奇四重奏申上市 招牌蝴蝶酥年銷76噸
【中環解密】陳敏之「祝奇餅」被申請清盤

同樣賣曲奇, 一個賣到上市, 一個要申請清盤?

二當家好似咁耐以黎都無抽中過 IPO, 其實連抽呢個動作都好少做。賭錢係十賭九騙, 香港既上年新股分分鐘「十上十騙」。

睇番曲奇四重奏既招股書, 2016年收益 9千5百萬, 2018 年得番 8千萬?  雖然溢利增加由 2016年2千2百萬增加到2千4百萬, 但個數真係唔多吸引。而主力(其實係唯一)既收入都係靠零售店, 電子商貿得0.5% (2018)年。

貨品雖然有不同口味, 但種類只分為蝴蝶酥, 牛油曲奇, 同其他產品。以收益計蝴蝶酥佔所以產品既63%, 而平均毛利率有成70%。

而所得款項用途, 話係收購九龍新蒲崗既建議物業作為生產基地, 大佬呀, D SALES 係咁跌, 仲要增加一個生產基地? 即係俾錢你買地?

最後望埋保薦人既往績, 得2隻仲有錢賺。呢D股邊個會買, 大家心裡有數。

投資日誌 2018/08/31

Stock	Name	Ratio	Buy Price	Market	Delta%	Remarks
0255	龍記	16%	3.85	3.70	-4%	Avg. Buy Price in 2017/2018
0087	太古B	13%	10.31	14.30	39%	Price @ 2017-12-31
0005	HSBC	10%	77.45	68.85	-11%
87001	匯賢	5%	3.23	3.18	-2%	Price @ 2017-12-31
1113	長實集團	5%	64.63	55.95	-13%
2238	廣汽集團	6%	10.64	8.52	-20%	Avg. Buy Price in 2018
0044	香港飛機工程	5%	68.71	69.00	0%
0296	英皇娛樂酒店	3%	1.74	1.58	-9%
1132	橙天嘉禾	1%	0.85	0.27	-69%	Price @ 2017-12-31
3389	亨得利	1%	0.38	0.32	-16%
		35%

股票面值 (Face value) -6.4%
整個組合(連已收股息) -0.77%

大風大波的8月份, 股票面值由月初的 - 3 %, 月中時因為廣汽去到6.8, 面值跌至 6%, 其後國家隊進場, 廣汽幾日就升番到 8.5 , 面值又升番到 -3%左右, 估唔到月底前幾日, 橙天又一單 GAP 水, 令到成個組合面值再跌到 -6.4%。

除左以上兩隻, 獅王都跌到落 68.85 呢個52周新低。 而長實弱到一個點既股價亦進一步拖累整個組合。

8月份既操作

減持
太古B @ 14.25
廣汽 @ 7.23
廖創興企業 @ 12.48

以上操作主要目的是減輕投資比重, 不過自己都係衰貪心, 35% CASH 唔算高現金比率, 今日阿 TRUMP 哥又話加碼貿易戰, 下個月應該會繼續減磅。

劉鳴煒先生又一名句

我承認, 我是多少有點仇富的。

劉鳴煒先生繼幾年前既「睇少啲戲、去少啲日本」, 今次又有名句「十歲時收十萬現金」做生日禮物。

有錢唔係罪, 但無知係罪。你覺得劉鳴煒無知嘛? 我深信不。他絕對比起大部人聰明。

平心而論, 佢叫人儲錢唔係錯, 但當大學生畢業仲欠十幾廿萬學費, 你那邊箱話自己10歲收10萬 (1990年), 好難有共鳴姐。

友人說, 佢似「何不食肉糜」的晉惠帝, 但以前皇帝都話係深宮唔知世情, 大臣又報喜不報憂。今時今日, 打開手機乜都睇到, 你覺佢唔知d人點講佢咩?

只不過他根本連「應酬」我地呢班蟻民都費事, 唔知由幾時開知, 政府/保皇黨連呃你「乙水」你都廢事, 直接黎搶, 量你都不敢反抗。劉生做既只係 「口裡說幫你, 暗裡笑鳩你」, 你覺得佢離地咩, 佢答你 「我係離地呀, 吹咩?」


有傳聞他鋪緊路選特首, 係都唔出奇, 如果我地仲有特首既話。

貨幣系統真相

Sad but true......

0255 龍記集團 2018 上半年業績短評

//龍記集團就是以標準模架、訂造模架、高精模架等生產與銷售為主營的世界四大模架製造商之一，其餘三家為(哈斯科)德國模具、FUTABA (雙葉)日本、(美國)D-M-E公司。//

//何为模架
现时模具的应用涉及每项产品（大如汽车、航天、日用品、电器通讯、医疗产品设备等），只要是数量多的产品都会应用模具生产，而模架是模具不可分割的部分。现时对模架精度要求，会按不同层次按产品需求而定。

模架是模具之半制成品，由各种不同的钢板配合零件组成，可以说是整套模具的骨架。由于模架及模具所涉及的加工有很大差异，模具制造商会选择向模架制造商订购模架，利用双方的生产优势，以提高整体生产质量及效率。//


簡單黎講, 模架係 MOLDING 不可缺既一部份, 不同既產品都有可能用到模架, 汽車, 手機, 玩具等。中美貿戰, 二當家有兩樣野係擔心龍記既, 一. 係鋼材價格, 二. 係中國出口貨品數量。始終龍記有8成半既生意都係來自中國。

鋼材價格: 根據龍記網頁, 佢地係國際知名品牌例如日本大同、瑞典一勝百、德國葛利茲、法國奧伯杜瓦、日本新東等中國主要代理商, 新關稅應該龍記無直接影響, 但人民幣跌, 對其利潤或多或少都會有影響, 但應該未 REFLECT 係今年上半年既年報到。

出口貨品數量: 雖然無具體數字, 但未來一定有影響, 多與少的問題


單看數字, 上半年收入 13億, 比同期增加 13%, 但係除稅前溢利1.6億, 比同期跌 24%。撇除其他收入, 公平值, 出售資產等一次性影響, 核心稅前溢利其實係增加左 18%。 EPS 0.196 (P/E 9.5, 3.8 / 0.4)。

以核心溢利來看 PROFIT MARGIN, 同前幾年一樣都係 11%, PROFIT MARGIN 其實算都幾高 (2013 年~2015年 MARGIN 只有 4~6%左右)。
以 GROSS MARGIN 黎睇,  MARGIN 仲有 58%, 對比早幾年係 6X% 低左, 估計下半年會更差。

以 BALANCE SHEET 黎講, 仍然非常靚仔, 低借貸, Quick ratio 2.2, NAV 3.58 (P/B: 1), 現金有5.7億, 總負債至 3.3億。ROA 半年計4.5%, ROE 半年計為5.5%, 同上年相若。

唯一唔開心既一定係派息, 中期每股 0.12, PAYOUT RATIO 61%, 其實同前幾年差不多, 不過無左特別息。

如果以全年派息 0.24 咁去計, 回報率 3%=8, 4%為6, 5%為4.8, 6%為4, 7%為3.42。現價為 3.8左右, 52周高位為 4.4, 低位為3.14。

*DAVID WEBB 持有 5%


REFERENCE:

土豪龍記集團(00255)還要再發1.5億 - 2017
百度 - 模架

Relocate, 我有本事嗎?

話說二當家心裡想著如果有機會，希望公司安排到relocate. 尤其當公司有內部招聘時，如見到有心儀職位就即刻搭下路，睇下有冇機。

我諗同大部份MNC 一樣，中國一定係最多JOB POST 嘅MARKET, 二當家其實心入面都準備好番中國做野，亦都同大當家傾過下，係差左未同老闆表態。

係一個機緣巧合嘅情況下，同一個係上海做左兩年嘢嘅舊同事食飯，就請教一下佢係過住兩年嘅生活係點。佢話講消費，其實同香港差唔多，但佢唔建議我番去，一. 好多公司唔會幫你交稅，中國收緊30% 稅率，香港當你15~17%, 都講緊差一半稅，除非公司幫你俾，否則一樣人工但係打個7折。
二. 上海啲租都好貴，就算租金呎價低過香港，但因為普遍住嘅面積都好大，最後舊租金都可能大過香港。

佢話其實係有暗招交少啲稅，就係上網買發票谷大租金開支(二當家無去證實真確性), 令到taxable 果舊錢細啲，但你都知政策嘅野朝令夕改，唔知邊日政府會堵塞呢樣嘢。

聽完之後暫時打消左個念頭，始終人工係我唯一嘅收入，無數咁上去打工並非易事，加上要拋低晒所有嘢。去大陸，就交多左稅。去台灣，就減人工 (台灣最多稅率40%, 但應該係打工皇帝級別)。新加坡，怕悶。澳洲，太遠。二當家真麻X煩。

最後都係決定要先做好自己本份, 人地求你永遠好過你求人, 你有本事既唔慌無出路。

風雨過後的晴天? 還是暴風雨前的平靜?

在前篇 winter is coming 後, 二當家放了部份股票, 包括

廖創興, 部份廣汽, 部份太古, 把現金水平提升去35%.......最緊要睡得安心。

龍記今晚放榜, 且看如何...

投資好講性格, 二當家係贏唔到大錢格, 膽小如鼠。

加上本細就係慘, 如果我同你講700會贏大錢, 但身上得幾皮野, 一手就等於 ALL IN, 你會買嗎?
16 (分拆前) 一年成十皮野, 買都買唔起。
大灣區D 樓好平, 一球一個單位, 諗都唔駛諗。

投資是講門檻, 但財急又不入門, 點樣可以快速升「呢」呢?