沒有更新差不多一個月, 原定要看的年報, 要出的文都因為一個噩耗而往後延。
其實早在過年後, 便知二當家的一個親人在醫院, 親人都有番咁上下年紀, 二當家心入面係想見佢最後一面, 但同香港既親人溝通過後, 才發現醫院都係閒人免進, 生囝都無得見, 所以最後二當家都只能心掛掛, 無乜野做到。
在3月中, 親人的情況反覆, 一時好, 一時壞, 在入院期間也測出 OMICON 病毒。 最後在3月底, 情況突然轉壞, 親人離世。 而香港政府剛好在3 月份修改入境的隔離時間, 由14天減至7天, 台灣這邊則有 14天減至10天。
親人離世後, 等了約一星期才有大酒店的期, 二當家本身也在想是否要回港一趟, 內心交戰了好幾回, 最後還是隨心, 決定回港送親人最後一程。過程中得到不少朋友幫助, 要再短時間內訂隔離酒店, 機票, 又要在上機前做 PCR test. 在上機後, 及酒店隔離期間, 最怕就是中途確疹, 沒法出關, 幸好最後都能順利出關, 送了親人最後一程。
在出關期間, 也有跟一些親人朋友碰面, 不過因為沒有晚市加 2人限聚, 所以都係盡量見, 見得幾個得幾個。 有幾個朋友都計劃左年中離港, 感覺移民已經成為香港人的日常。另外跟朋友談及疫情, 部份朋友已經係中過但已康復, 公佈確疹的數字都破百萬, 所以大部人都相信超過一半人可能已經中過 COVID-19。在尖沙咀走了一轉, 人少了, 平靜多了, 海旁新起的 K11, 及 Museum of art 令海旁更舒服了。地鋪仍然慘不忍睹, 加連威老道吉鋪 10 之有4, shopping mall 雖然偶有吉鋪, 但整體出租率還是非常高。適逢政府派發電子消費卷, 再加上復活節連假期, 街上人頭湧湧, 酒店check in 要大排長龍, 離島也人山人海, 可見港人餓了很久。
久久未回港, 才發現香港的 efficient 真係首屈一指, 12點下飛機, 5時多已經回到酒店, 酒店內乜都有得買/租, Monitor 又得, switch 又得。電子支付都有N 咁多種, 二當家回港後好快就開著左個「香港模式」, 乜都快快快, 個心靜唔到落黎。 番到台灣, 又會發現好多好 Rigid 既野, 例如我同大當家既居留證, 登記左 e-gate 但永遠唔 work, 今次入境仲搞左 20 Mins。 以為行李已經 ready, 點知要再等 20 mins 行李至出現。 做完唾液採檢, 得到一張「檢疫」既貼紙貼上身到, 但下一步已經係上的士。番到屋企, 大樓唔俾外送員上樓, 我問保安可否代為拿上來, 得到既回覆係不能。搵里長幫手, 最後只係幫到手上門收垃圾。唉, 又係時候開番個「台灣模式」。
台灣疫情開始嚴重, 由幾十單, 到幾百, 今日已經破2千宗, 相信離大爆發不遠, 目前台灣政府仍然是保持二級警戒, 並沒有 lock down, 未知台灣是否準備好與病毒共存。
