投資日誌 - 惘然的半年結 2019

二當家在2019半年內, 發生了好多事。

由有移民嘅想法, 到決定去台灣做嘢, 再收到公司一個俾「閹割」嘅Offer, 到最後五月中到步台灣。

係大當家過嚟台灣前用佢最後嘅借貸力借咗一筆錢, 及將兩人既 MPF全部提出, 希望用呢筆錢可以喺台灣同大當家有個比較好嘅生活。六月份香港發生一百萬人及二百萬人既大遊行, 慶幸自己唔係香港, 減輕了一點心痛嘅感覺, 至少減少被傳媒洗腦既機會。

按揭借左200萬, 只係拎左130萬來投資。另外D錢 放左係大當家個MORTGAGE LINK戶口到作為備用現金。目的還是「進可攻, 退可守」, 依舊錢其實作為一個首期雖然未必夠, 但係大當家如果收到係香港嘅MPF, 再加埋手頭上嘅現金都有百多萬, 應該勉強夠俾香港既首期(如果真係買的話)。

而二當家拎咗個130萬, 加埋MPF嗰40萬, 再加埋自己本身嘅股票倉, 宜家大概有250萬係投資戶口, 暫時嘅諗法係盡量買一啲高息產品 (LTV 1.85), 希望回報可以去到5至6% (Asset 計)。當然係IB 到其實仲可以槓, 但因為錢已經係借番黎, 所以都係睇定D先, 暫時先保留住呢個權利。

錢到手後我無再 time the market, 隨即入左 SG REIT, 香港既 REIT, US 既 PREFERRED STOCK / CEF, 大部份都係風兄到「抄」考番黎。但係老闆同風兄都有入果隻 GOF 我就無買, 始終見佢近黎 ROC 有得點 (27%), 可以買左其他無咁好回報既 CEF。

至於會否在台灣買樓, 暫時仲未有決定, 因為而家仲係適應緊喺台灣既生活。大當家暫時無業, 養好個身子, 如果再無小朋友就可能會係台灣做 IUI, IVF 等人工受孕, GOD BLESS。

暫時最理想既情形係高息產品足夠負擔到我同大當家既生活駛費, 我份人工就用黎還層樓既錢+家用, just in case 我有d 咩事, 大當家就利用收到既息還供樓既錢。

圖來自飛鳥兄

股票方面, 雖然我有係26000左右加倉. 不過果陣手上嘅資金未到手. 所以無係靚位入足子彈。到大市回到差不多28,000左右資金才到, 亦係果個位加大左港股既倉位。

我記得飛鳥兄之前係個群組裏邊分享過一幅圖, 講既係一個黃金比例嘅圖大師由高位32,000回落根據過往經驗其實落到去26,000點左右已經係一個底, 如果根據指標去入貨嘅話, 深信大家都一定會有相當既斬獲。二當家非圖表派, 但用黎參考下入貨既位, 我覺得未嘗不可。到大市插穿二萬七時, 亦都有叫家人加點倉。

宜家全球經濟由「加息」轉吹為去「減息」。另外大家期待已久嘅 G20, 出嚟嘅結果亦都好正面, 估計大市又會再繼續會上。以前二當家既心態係拎住 CASH 等入貨, 宜家既心態係盡量唔好拎 CASH, 只要一日各國唔收水, 唔加息, 現金應該都仲係最不可取既一個投資工具。

把資產集中在IB後, 還在研究 IB 各樣不同的功能

Time Weighted Return (TWR) -1.99% 😭





最後想講多少少政治, 無興趣請 SKIP。

二當家個人嘅社交平台其實完全冇發表過任何關於政治既野。因為我覺得係社交平台到, 無論係一個LIKE, 或者係一個轉發(不管是 NEWS 或是二次創作)都會帶有一個政治嘅取態。但其實政治既野係個人, 我亦覺得無需要公開討論。

而近來越來越多人將香港警察描述為「黑警」。其實我想講不論政治取態如何, 香港嘅警察其實係香港人應該自豪嘅一樣嘢, 香港作為全球最安全既城市之一, 香港嘅警察其實係功不可沒。不希望因政治既對立而抹黑任何一方。或許, 果班係背後搞風搞雨既人, 就係希望香港人對「香港既法治及維護香港法治既代表」對立, 不可以讓幕後的人「求仁得仁」。