近況 (五)

今日恆生指數一開波就無左1千點, 深信大家都無乜MOOD, 二當家豈能獨善其身,  唯有同自己講「賬面數」黎既, 最緊要係有現金流。

生活: 轉眼間來台灣已經快一年, 同大當家既日常傾談中, 常常都覺得對我地呢個決定十分感恩。 我地5月過台, 6月香港開始社運, 真係黎咁耐衰咁耐。今次疫情台灣並非十分嚴重, 在網上看到中國一些城市要在家生活二十多天, 每日在家四面牆, 難以想像既苦悶。二當家有不少朋友在家 work from home, 加上小朋友不用上課, 正面D 睇係多D機會享受天倫樂, 但朋友們都大喊救命, 一來是工作效率問題, 二黎是吊頸都要透透氣, 日對夜對真係唔係辦法。

在台灣, 時不時都會有台灣人同我地講「留係台灣, 唔好番香港啦」, 這些窩心又或者稱為小確幸既說話, 我地其實好受落。但現實D黎講, 台灣政府會逐漸加辣, 令到投資移民既門檻上升, 但我相信以港人鑽空子既能力, 耍申請「投資移民」應該並不是甚麼大問題。

https://hk.appledaily.com/finance/20200307/FNRXMI3NBX7J4ZKNOBNH2Y5Y24/

至於我跟大當家, 暫時還未有共識, 二當家暫時的想法把自己看成「遊牧民族」。 當然, 如果能拿到台灣的永久居留權固然是好 (要連續在台工作5年), 如果不行的話, 我們的下一站多數都是中國, 因為估計很多老外都會怕怕回鄉並創做很多空缺 (公司內部)。 而中國的發展的確是不可擋, 除非今次事件會令到中國內部經濟受重創, 否則疫情一過中國的經濟還是會回來。至於香港,   其實我睇得比較灰,   我自己暫時都未有回港既想法。

當然, 對我們來說對在中國工作還是有相當的抗拒, 不論是文化/衛生/安全/ 生活/教育/醫療 等, 有一半的不安是來自不認識, 另一半當然是政治因素。不過一切都是 too early, 先想想, 等有 offer 黎至算。

學業: 上年 PMP 後就無甚麼方向, 完成 master 是對自己人生在學業上的目標, 但實際意義不大。再者, 我亦不覺得在工作上會有任何幫助。還是先放在一旁。

人生大事: 跟大當家談了一篇, 決定再試一次IVF, 如果真的不成便不勉強, 正所謂「生死由天命」, 有無小朋友的我們也可以活得很快活。慶幸的是四大長老沒有給太大壓力, 宜家既壓力係自己俾自己既。

工作: 剛做完Appraisal, 與台灣的老闆工作了一年, 他都非常信任我, 今次 Appraisal 他給我的評分比我自己準備的還要高, 他也覺得我完全是「超越預期 / exceed expectation」。雖然在金錢上不代表甚麼, 因為在社運及疫情下公司係無運行, bonus 有得出都算偷笑, 但在個人的聲譽上, 甚至 Job Security 上都打下強心針, 至少老闆滿意, 被「雞」既機會都細D。

挑戰/創業: 並沒進展, 之前有諗過豁出去, 但肺炎下成件事又延後左。至於在香港開公司戶口都仲未搞掂, 由上年12 月開始搞, 搞左差不多3個月都仲未開到個戶口, 真係人都癲, 雖然宜家唔急, 但搞咁耐都未搞掂, 想快D了結左佢。

  

投資: 佛系

題外話, 近日大當家同二當家都迷上左隻 Two Point Hospital, 呢隻GAME 原本係 STREAM 到有, 近日係 Consol 到出左, 我係 PS4 到買左黎玩, 無記錯好似 HK$290。有玩過「杏林也瘋狂」既老玩家應該不會覺得陌生。