紀錄一下: 恆指一野穿埋25000 - 其實股災又有乜好怕WO?

圖片來自 蘋果日報

今日個市一野就穿埋25000, 其實二當家好想扮阿「嬸」大師咁話自己威威
然後就扮先知, 話自己之前已經出左個 POST 話 WINTER IS COMING。

不過實情係, 二當家都係靠估, 個市唔係升就係跌, 牛皮即係仲有機會, 宜家仲可以學埋汪老闆咁話係假升假跌。我個諗法同好多大神一樣, 跌就收息, 升就減持, 個注碼最緊要控制得宜,  睡得安心最緊要。

飛鳥兄建議我「平常心去面對股災你會睇得仲多嘢」, TRUE。每個人既承受風險程度唔同, 飛鳥兄仲未出手, 但其他BLOGGER 有D已經慢慢入緊貨, 最緊要對自己負責, 錯就錯, 唔好俾自己搵籍口。

二當家細膽又貪心, 又怕 FOMO, 但又怕死, 成日都做好多假設 例如, 下個月跌一千, 三個月後跌三千點會點, 成個 PORTFOLIO 輸四成又會點?
下個月升一千, 三個月後升三千點又會點? 會否再次陷入人升自己無份既慘況, 正所謂「問君能有幾多愁？沒買騰訊沒買樓企鵝」。

到最後才決定機械性操作每跌一千點加一注, 二當家暫時係50% 港股, 25% 美股小小倉, 25%預備金。即使港股 ALL IN, 有需要時二當家仲可以係預備金調撥出黎。預留左個小首期, 樓跌就入市。其實股災又有乜好怕WO? 我的意思是盡量做好所有 SCENAIRO 的準備, 最緊要計得掂條數, 無人可以嬴晒, 唔輸已經好叻!


二當家當務之急係加強樓市既資訊, 玩法, 慨念。見到斗滿兄的分享, 二當家都請教左 R 兄的樓宇按揭問題, 非常感謝各位無私的分享。