紀錄一下: 恆指 26292 + 降準減稅降費

由年初至今的 HSI OCT8, 2018

個市由2月份高位33484, 拾級以下, 睇黎好快挑戰26000。

長年期 HSI

香港市場氣氛普遍還可以, 未聽到有輸到跳樓的消息。而且好多人上年炒大股, 隻隻都有肉食, 係咁易都 2X %, 如果出入得宜, 50% 不是夢, 有排都未入肉。睇長遠D, QE後頭果幾年個市都係22000~24000 左右浮浮沉沉, 今日個市去到26000, 氣氛仲係麻麻, 但會否已經見底, 定係 the worst is yet to come? who knows? 只好在有限能力內去控制風險。

中原城市指數 OCT 8, 2018

港樓還未有回調, 在資產價格升值下大家仲大把貨 (加按 轉按等套現), 講真, 就算跌5成, 都係叫做打回原型, 今日CCL 係185, 去到100都係係番去 2012 時期, 何況今時唔同往日, 港樓已經變左做國內有錢佬做資產配置既工具, 所謂既剛性需求就係靠父幹, 持貨實力大增。二手樓繼續冰封, 新盤繼續大賣, 如果有日新盤都無人買二當家至覺得係真轉勢, 因為最後既購買力都被用盡。另外, 二當家覺得DSD可能係樓價大跌既原兇, 宜家D人怕賣左買唔番, 但如果一轉勢, 就變左有盤放無人買(DSD限制了市場需家), 要班有能力既人肯花15% 入市, 個價一定要回番>2成。呢個只係我想幻想, 唔知會唔會實現。新聞開始吹奏樓價下調, 不過都係零星例子, 大勢仲係未變。 

USD<>CNY OCT 8, 2018

人仔因貿易戰回落了8%, 會否破7? 

貶得太快, 又被人話係貨幣操控國 (二當家註: 乜唔係公認架咩?), 唔貶, 又怕出口企業唔掂。尋日人行降準 1%, 二當家唔係經濟學家, 只知道係為左增加市場貨幣流通性, 怕企業借唔到錢挨唔到呢個寒冬。另外中國仲研究緊減稅降費, 中國政府又有咁多動作, 睇黎貿易戰非短期, 呢單野由上年年尾開始, 大家估下會唔會真打, 到美國真出手, 中國還拖, 美國加碼, 前幾日仲話有中國晶片, 乜野「藞苴(哪喳)」手段都出齊, 加上北韓同南韓做番朋友, 中國既盟友真係買少見少, 單靠內需, 可以嗎?

最後既問題係中國有幾缺水, 美國加息, 十年期債券 YTM  升到3.2%, 睇番中國企業, 以兩間內房黎睇, COUPON RATE 已經去到 9% ~ 10%, 我覺得成個世界玩緊既就係, 收水了, 究竟美國 既開支爆先 (e.g. 利息), 定係中國企業既資金鏈爆先, 潛台詞就係, 你信誰?  

債市現沽壓 時薪逢漲潮 ETNET

匯率操縱國 - WIKI

IMF首席經濟學家：無證據顯示中國操控匯率

除人行降準 陸財政部：正研究更大規模減稅降費措施

//劉昆說，下一步，積極的財政政策將從四方面繼續「發力」：

一、加力減負。全面落實已推出的減稅降費政策，同時抓緊研究更大規模的減稅、更加明顯的降費措施，真正讓企業「輕裝上陣、放手發展」。

二、補齊短板。大力支持中共中央確定的重大項目建設，加強經濟社會發展的薄弱環節。

三、促進消費。推動完善有利於提高居民消費能力的收入分配制度，深入研究論證個人所得稅專項附加扣除方案等政策，增加居民收入，激發居民消費潛力。

四、節用裕民。政府要過「緊日子」，把省下的錢用於保障民生支出，用在老百姓身上，讓人民過上好日子。//