紀錄一下: 美市跌八百幾點, 心態真的好重要

今日美股跌800點, 係有史以黎第三大跌幅, 港女又借勢跟跌。 今次跌市身邊既家人反應同下:

大當家本身無買開股票, 得好少 2888 (係我衰, 百幾蚊果陣叫佢入的), 0005, 同 0016 (最近買)。 一打開網頁果陣見到滿江紅, 問我好唔好賣走佢。

另外我有家人見到跌市, 無論有貨無貨都唔敢入,因為跌得太急, 今日收市分分鐘跌過千點。二當家終於感覺到有少少恐懼既感覺。

兩年前既二當家會同佢地一樣, 會好驚, 可能加入一齊拋售, 今日既二當家會叫我家人每跌一千點咪入一注, 預5注左右, 地產, 銀行, REIT 乜都好, 當然要睇公司既質素, 另外留一個首期既現金作 BUFFER。

二當家覺得自己心態好左(可能只係阿 Q左), 因為平時有做開功課, 至少知道自己買果間公司既財務狀況係點, 有沒倒閉危險, 派息狀況如何。二當家個股票組合都係同大家一樣, -1X%, 其實都見緊紅 , 但明白到係 face value 黎姐。

前文都有講, 所有野都係講「預期」, 個個買股票都係預升唔預跌, 世上邊有咁著數既事。股票如是, 樓如是。全兄既沸騰指數去到「貪婪」啦, 你呢?

全家福祿壽
https://fukluksau.blogspot.com