為什麼美國的QE可以提振經濟，歐洲和日本卻沒有效果？

BLOG 介有好多勁人勁文, 其中一篇係三人行兄的 <貨幣洪流 (四)：央行收水？係咪諗多左呢？(同場加映：你跑得贏央行的印鈔機嗎？)>, 二當家閒時就拎黎回味一番。

QE後10年, 宜家望番倒後鏡, 梗係話應該早D買入資產, 三人行兄亦提到, QE後 //美國人鍾意買股，港人同中國人鍾意買樓，偏好上的差異而已。//, 所以造成資產價格創下新高, 但二當家心內一個問號突然亮起, 咁日本呢?

鐘意去日本既香港人不難發現, 其實近呢幾年日本真係好似無通賬咁, 幾年前去食個麵可能要900YEN, 幾年後去仲係賣緊900YEN, 加上匯率仲非常吸引, 日本能成為香港人既旅遊天堂亦不無道理。

如果我無記錯, 安倍晉三的安倍經濟學仲早過美國QE, 當中的三枝箭分別為
WIKI 安倍經濟學
第一支箭：積極的金融政策
第二支箭：靈活的財政政策
第三支箭：促進並發展民間投資

安倍更以2%通賬為目標, 不過暫時日本都好似未達到目標, 感覺上好似都係半死不活, 而日本的平均加薪幅到都係2%左右, 在網上左看看右看看, 終於在<知乎>上找到幾篇十分有水準的答案。

簡單咁講, 日本, 歐洲 同美國發生既不同問題, 日本係需求不足/人口下降, 歐洲係地區債務問題, 勞力流動性問題, 而美國係信貸信心問題, 所以在2008金融危機後, 美國用 QE 黎維持投資者對金融制度既信心, 而美元根本性既強勢, 加上企業既創新能力令到美國可以跨過今次既難關, 亦令到美國可以率先「收水」(反正我都唔駛睇人地面口)。

而係日本, 雖然企業盈利率有改善, 但普遍打工仔都係無受惠, 人工無乜點加, 加上對通縮既恐懼, 人口下滑, 令到消費意欲減低。網上看到原來日本央行持有4成國債及市場上74%的 ETF, 這是一個什麼慨念? 資本市場國有化? 而日本印出黎既錢又去左邊呢?

到最後要問既一個問題, 美國帶頭收水 (先不論收幾多), 其它國家又會否跟風呢?


如對以上內容有興趣, 推介你看下面最後一條 LINK。


安倍經濟學5年回首 成果如何？
Japan's workers win biggest pay raises in 20 years - 2018-04-16
2分之1自旋的原创专栏 - QE实效
高负债的日本为何未爆发债务危机
日本央行購ETF撐日股　撐得幾耐？
全球央行祭出宽松后钱都去哪儿了？
知乎 : 為什麼美國的QE可以提振經濟，歐洲和日本卻沒有效果？