月入三萬的香港人
人口估計
稅局年報
見到稅局出年報, 無聊又計下數
三兄用TOP-DOWN 去睇樓市, 如果 BOTTOM-UP 咁去睇, 又會係點呢?
- 要納薪俸稅人口為 1.7M, 20歲~65歲既人口為5M, 如果以呢個年齡層去計, 約 34% 係打緊工
- 最多人為年收入 30萬~50萬, 佔總打工仔 28% (組別8&9)
- 如果以80/20, 要成為 TOP 20% 既打工仔, 年收入60萬以上 / 月薪5萬
- 居屋上限為家庭收入 57,000, 兩公婆打工每人平均收入不得超過28500, 約佔打工仔 57% (組別8以下)
- 買6M樓, 壓測後要月收入48500以上, 2個人計, 平均收入要24250, 應該6成人供得起 (組別8或以上)
- 買6M樓, 首期1.2M, 預算要1.5M, 如果月入48500, 31個月/2.5年不吃不喝後首期儲到首期, 一般人儲1.5M首期要幾耐?
- 買6M樓, 如果當入息中位數係年收入36萬, 樓價/年收入為16年
其實我無乜結論, 唔好問我點解用6M, 點解唔用4M, 3M, 8M既樓。 我亦都知道呢一代人好多「父幹」, 或者父母已經有幾層樓, 無乜生活壓力。再加上每日150人既人口輸入。數字永遠都係數字, 有好多 ASSUMPTION 係入面, 我都係照數字去解讀。
什麼是中產, 還重要嗎? 反正搵幾多都唔夠......
二當家，知小弟一向都認為樓價貴到堅離地。
ReplyDelete樓價是大問題，但租務市場的問題更嚴峻。長期供應不足，導致不斷擴大的供應缺口，最後將大量地將原本可以租住在正常住宅的家庭排擠出正常的租務市場。這才是眼下最大的問題與風險！
三人行兄, 正因如此, 奇怪的蚊型單位/工廈改建/割工廈出現了, 如果繼續「有樓既有樓, 無樓既無樓」, 市場只會變得更扭曲, 政治/經濟上的風險也更大, 不是整一個「大灣區」便可解決問題。
Delete當你明白, 華為老姐都有20層樓在香港用公司名HOLD的時候, 拉長少少睇, 今日唔買, 20年後, 會係咩概念的差距?
Delete大灣區係為窮人而設的, 政治不正確也是說
目的係將舊香港人搬入去, 而新有錢國內人搬入香港
做成收番香港而不要香港人之動作
今日唔買, 如果樓價跌還叫好彩, 如果掉頭上升, 恐怕追到氣咳都未追到一間....
仲未計人家20間做大家所謂1開2, 2開4....
貨入強者手, 股票來講, 會爆升
樓, 看君自我研判
小子兄, 你說的已經是「進行式」, 我沒可辯駁。
Delete正如幾篇前文章所說, 如果香港只是中國的一個城市, 又有甚麼理由支持這個估價。 前幾天行過荃灣, 大媽舞充斥了整個公園, 遲D新樓入伙埋都真係無眼睇...既然如此, 不如早D進入大灣區 XP
小子兄說得非常對，大灣區最大鑊係連埋個CRS下年正式開始俾五年你溫水煮蛙....
ReplyDelete今日倫敦，明日香港，但香港仲要個法治同自由慢慢downgrade緊，只能說借鏡倫敦，搬左去大灣區的將難以回頭，一去不返。