美國債息倒掛 金融海嘯後首見
【債息倒掛】美債孳息曲線部份倒掛 2007年以來首次
【債息倒掛】美債息曲綫倒掛引爆環球跌市 一文看懂有多凶險
The U.S. Yield Curve Just Inverted. That’s Huge.
近日除左G20會議, 中美暫定(加強)貿易戰90天外, 市場最大既新聞一定係「息率倒掛」。
不論中外媒體都話呢個係股災/經濟衰退既先兆, 而近日人氣急升的 DR. NG 在二/三月時亦講緊 YIELD SPREAD 不斷收窄, 一旦出現 INVERT, 經濟衰退或快將降臨。
市場既解讀講完, 但係其實我都係唔明, 點解對倒掛咁緊張。
以前 FED 係用 FED RATE 黎控制息口, 今時今日QE後 FED RATE 都無乜用 (詳解請看 STARMAN 解讀 IRR 一文), FED RATE近乎無能力推動利率上升。另一邊廂, 之前FED 係 QE 時期係市場上買國債等物, 強制壓低了遠期息口 (短期息口為0), 令到一D 穩陣收息既資金都要出去買其他資產。今日美國話收水/停止買債, 市場上少左個買家, 遠期息口應該慢慢回升, 而FED 亦自2015年開始逐步加息, 至今已經去到 2~2.25厘。就上圖所見, 遠期息口好似唔係好升咁, 即係10年期國債仲好渴市, 買家係? 有可能美國回流資金, 有可能係止賺既錢, 有可能係其他國家買入, 有可能真係市場唔睇好個市, 所以寧願買入長期鎖定利潤。
如果用以上解讀, 最多可以話係市場信心不足, 不過債市規模實在太大, 可吸納既資金亦極大, 市場上如果缺水, 或者真係有可能會經濟衰退, 但我又唔覺得係一個有預測性既指標。
那邊廂, 美國既通脤同失業率數據都非常靚仔, 如果以呢兩個指標黎睇, 美國既經濟情況一D都唔似會有問題。
諗唔明............ 請各路高手回答。
二當家，已幫閣下將問題轉交萬能的全兄！請靜候全兄回覆！
ReplyDelete三人行兄，不論用什麼角度小弟絕對不是萬能，極其量是萬萬不能，哈哈
ReplyDelete以小弟愚見，雖然市場資金尤多，但市場選擇追逐較低的遠期利息去鎖定利潤，而不選擇先舔短暫高息再面對不確定的中期 reinvestment risk，就是對中期經濟預測極不明朗的一種預期。
失業率同通脹永遠是滯後指標。
我把皮老闆谷中的 REPLY 放到這裡
Delete//thanks 全兄, 我明白, 但 FED 「正常」係睇兩個指標去PLAN 息率, 通脤+就業率, 係呢2個數據咁靚仔既情況下唔加息又說不通。
而 FED 以前只影響短期息口, 宜家連長期息口都控制埋, 咁呢個「倒掛」是否再有前瞻性呢? 呢個係我內心既疑問。當然, 我深信無人解答得到。
唯一既解答都係市場信心不足, 數據咁靚仔, 為何信心不足? 原因可能是 TRADE WAR, 亦可能係市場D 野貴到買唔落手, 所以寧願賺少D, 穩陣D。 當 MUSIC CHAIR 一停, 最後誰接火棒?//
正如D黃金膠叉同死亡膠叉一樣，有Noise咪黎講下囉，油價高低對各行業影響仲大啦，有唔見D傳媒大講特講叫油站減價~~
ReplyDelete根本個傳媒只會吹佢想你覺得會驚既野，一樣野嚇你唔死咪仲多十個所謂指標嚇死你。