DAY 1
1. 公司提供IR56G 表格 (2018/19, 2019/20)
2. 收到表格後 , 預大半日時間去搞, 最好由早上開始
3. 首先, 帶同IR56G, 合併報稅同意書 (因為我同老婆前後腳走) , 身份證, EPS或現金, MPF(S) - W(SD2))到稅務大樓 (1/F) 拎飛仔做查詢
4. 之後佢會叫你去其他層數搵相對應既小組(我係2X/F)
5. 上到去之後, 同佢講要離境清稅, 佢會俾份(18/19, 19/20)報稅表你
6. 記得係合併報稅果部份打TICK (因為我唔可以親身黎, 可以已經事先簽左合併報稅同意書， 到時一併俾埋佢)
7. 之後佢要計計數, 睇下交幾多錢, 有初步結果後佢有可能叫佢1~2小時後再番黎
8. 中間呢段時間可以去民政諮詢中心做宣誓永久離港 (表格MPF(S) - W(SD2))
記得每一個MPF公司都要有一份MPF(S) - W(SD2)表格正本
9. 民政果邊基本上係每個鐘(e.g. 14:30, 15:30)都會有宣誓服務, 去到交FORM, 等時間到, 佢會嗌名叫你過去, 讀一段野, 俾番份FORM你, 搞掂 (我搭三去, 30MINS內搞掂)
10. 睇時間去番稅務大樓, 佢會俾稅單你 (如果要交稅的話), 之後叫你落去1樓郵局交錢 (EPS OR CASH), 交完即日去7F 等信, 一共兩封(公司一封, 私人一封) (Letter of Release 無呢封信, 公司會扣起最後期糧唔出架), 呢到前後要等差不多1小時 (郵局交錢好多人)
DAY2
1. 第二日番到公司, 俾公司果封 Letter of Release HR 放數
2. 自己果封先 SCAN, 再打印 (每間MPF公司都要打印一份), 另外要預備身份證副本
3. 去MPF公司下載 MPF(S) – W(O)號表格, 填好晒資料, 就郵寄到佢地公司
聽日講要三至四星期至有錢拎
終於可以拎番D 強姦金啦 😍
民政諮詢中心
灣仔柯布連道2號地下
恭喜二當家~~攞番血汗錢自己control~
ReplyDelete如果touch wood咁不幸要回流番香港工作, 其實係咪都係當普通僱員咁照供新的MPF?
係， 但要注意一生人只可以用一次呢個理由提取mpf.
Deletefrom mpf 網頁
注意： 假如計劃成員曾以此理由提早提取強積金，日後將不能以較後離港日期再次提出申請，受託人亦不會向計劃成員支付強積金。
see. 世事難料, 難得有機會攞左先都無壞~ haha~
Delete可以的話，緊係攞左先，一陣被炒被人當黎做遣散費對沖。
Delete點解你可以即日拎到稅單
ReplyDelete我5月頭去，要3日後先可以拎稅單
佢仲話好少可以即日出到
搞到我要去兩次
但我去郵局交錢無人，好快搞掂
我同太太都係即日搞掂。
Delete可能係因為我地只係得一項薪俸稅要填, 又無生意又無樓。XP
你好, 想請教一下, '合併報稅同意書'是自己作成的嗎? 因為我在網上找了很久也沒有這項...
ReplyDelete我與我老公也打算前後腳去台灣, 如果有了這份'合併報稅同意書', 我們也是應各自去稅局清稅一次嗎?
對不起, 疫情關係我電郵去/打電話去稅局查詢也沒有人回覆....希望在這兒討教。謝謝
Yes,「合併報稅同意書」係自己準備。
Delete搵張A4紙自己打幾隻字, 有晒兩方既姓名, ID, 簽名, 日期, 及講明係邊個「課稅年度」同意合併報稅。
好簡單, 兩三行字即可。
//我們也是應各自去稅局清稅一次嗎?//
Delete如果你地係前後腳, 應該係要分開去清稅, 因為兩方既最後工作日, 最後離港日期都不同。
公司通常在最後工作日前一兩星期才會發出IR56G 俾你去清稅。
我本身結左婚生左個仔之前報稅已經通知左我屬免稅仲退過稅比我
ReplyDelete我是否在離職後一樣要做清稅手續？
要, 因為稅局要根據你最後既收入去評稅。
Delete想問下 如果本身免稅唔洗交稅 洗唔洗去清稅？
ReplyDelete要, 因為稅局要根據你最後既收入去評稅。
Delete