Netflix - Dirty Money

Netflix 的一個節目 Dirty Money, 中文譯做 <不義之財>, 睇個名都知係講一D企業發生不公正行為。當中有一集個主角就係 Trump Trump, 講佢既生平事蹟, 非常精彩。

最後果段將佢早期做老闆果陣既演講, 同做總統時既演講做一個神剪接, 真係笑死二當家。推介呢集一定要睇。

What- if........it happened on you?

Shocking video of Black American killed by police triggers widespread protests

https://www.nationalheraldindia.com/international/shocking-video-of-black-american-killed-by-police-triggers-widespread-protests


看完後有些感慨, 世事不是完美, 雖然事情到最後也是發生了......但至少

1. 民眾曾經去執法人員提出及要求停止該行為
2. 事件爆發後, 人民站出來聲討這種不公義

這算是...亂嗎?


如果同樣的事, 發生在別的地方, 又會如何?

如果在你理想的世界發生了這件事, 你希望可以如何處理?

[投資] 好的教師, 教的思考的方法, 而不是答案...

在投資路上, 訂閱的 blogger 也過百了, 二當家絕非什麼投資高手, 但看得多文章, 也能分辦誰好誰壞。

以下係我既良心建議, 如果想學投資的話, 二當家建議看:



Oaktree Capital - Memo from Horward Marks - 難度 4 ****
https://www.oaktreecapital.com/insights/howard-marks-memos

免費發放, 通常一年只出幾篇, 但篇篇都係含金量極高既文章。最近世界上發生既事太多, MEMO 也多了。在2019年Horward Marks只發表了5篇MEMO, 但在2020年, 到今日已經發了6篇, 當中談論了負利率, 不確定性, 疫情後既新世界等話題。不要期望文章中有答案, 他只是提出問題讓你去思考, 做不同的假設, 二當家非常建議參考閱讀, 反正文章又不多。


Ray Dalio - Linkin 文章 - 難度 5 *****
https://www.linkedin.com/in/raydalio/detail/recent-activity/

非常有名的基金經理, 老實講, 我完全無睇過佢既基金表現。睇佢既文章當然係就住佢既名氣, Ray Dalio 出了兩本書, youtube 都有好多關於佢既理論既 video。 第一本書 Principle 對我黎講係本工具書+心零雞湯, 感覺就好似教你 PDAC (Plan Do Act Check 或 DMAIC 等既野, 教你在人生/工作中不斷克服困難, 分享他在人生中領悟到既「原則」。當中最有趣既係橋上內部既民主系統, 加入了科技元素及新既平衡, 達至更好既結果。

而第二本書講Big Debt Crises 就講經濟循環, 更詳盡咁研究不同經濟循環下既特徵。佢既新文會在 Linkin 內發表, 今次仲講埋國力比拼, 世界大國興起既循環, 要知普通人一生都係70~80歲命, 而佢既研究係以看出幾百年來國與國之間的強弱及轉變原因。要睇得懂佢既文章首先要一定既基礎, 否則應該悶到傻。


Gooaye 股癌 - 謝孟恭 難度 3 ***
https://www.youtube.com/channel/UC23rnlQU_qE3cec9x709peA

近來聽到的一個台灣 KOL, 網上的 KOL 何止過千萬, 但謝孟恭講既理論及想法非常接近二當家, 二當家開 BLOG 都2年多了, 經過不停學習反思改善後開始有自己既思想, 雖然未完全成熟但開始明白世界怎樣運轉。 謝孟恭教的也是思考方法, 不斷提點散戶什麼可以做, 什麼不能做, 他也明言不推股票, 例如散戶常常以消息去買股票, 他會告訴你消息在新聞上出現時早已失效, 他也不建議只看別人的總結, 要看就看全文, 包括最近的巴老股東大會, Elon Musk 的訪問等, 因為很多媒體誤導後將講者原來的意思改變, 如果要學入門心法, 謝孟恭是非常不錯的建議。


止凡 - 難度 1 *
http://www.cpleung826.com/
https://www.youtube.com/channel/UCnxPTlRxg5geyJ_NIMgJD8Q

在香港投資 BLOGGER 圈中, 有兩位前輩我係非常佩服, 一位是止凡兄, 另一位是市場先生, 兩位都是無私分享, 可惜市場先生已收筆。

先旨聲明, 二當家沒看過一本止凡兄的書, 也沒跟他碰過臉。接觸止凡兄都係睇佢 BLOG 內既文章, 及 youtube。如果要形容止凡兄, 可以講係最 Layman 貼地既 Blogger, 雖然好多人都覺得佢講既野含金量不高, 始終現代人喜歡速食。有營養既野往往就係平平淡淡, 即係飲水同飲汽水既分別, 明明知道汽水無益, 但好多人到最後都係喜歡用汽水當水飲。止凡兄的文章及視頻, 就好似一個老朋友同你吹下水咁, 用最貼地既方式同你討論問題。


鍾記 - 股壇老兵鍾記 長勝之道 - 難度 2 **
http://bennychungwai.blogspot.com/

上面介紹既都係心法或經濟上既分享, 而工具既BLOG 二當家會推鍾記, 鍾記本身有分享自己既 portfolio, 亦會分享他追蹤中既股票價值。我並非建議跟住佢買, 甚至我會同鍾記從估值上有唔同既看法, 始終估值重點在於個「估」字, 大家有不同看法都好正常。而且鍾記會用不同方法不同企業去估值, 二當家覺得讀財務報表係基本功, 睇鍾記學入門會係非常不錯既選擇。


載番個頭盔先, 好既 Blog 仲有好多, 但有好多 Blog 都未必能適合任何時間, 而以上既 BLOG 係二當家長時間觀察及閱讀後, 仍覺得十分推薦。

價格價值 / 溫度體感

有日大當家同我講起係台灣食飯既價錢問題, 佢一直覺得係台灣食飯的價錢好平好抵, 最後我忍唔住同佢講, 你同台灣人講果陣要小心D 。

點解二當家會咁講呢? 眾所就知, 台灣人普遍收入唔高, 雖然物價指數都唔高, 但係大當家好容易就以香港既物價水平去評論貴定平。

例如一杯咖啡, 價錢可以由 TWD 150 平至 25 (全聯咖啡), 個 range 係超級的闊。 以港幣咁計, 最貴都唔駛$40蚊一杯咖啡, 所以大當家直覺地覺得平。 但平或貴這個慨念的相對的, 例如買股價成日講價格及價值, 

假設一. 
如果有兩隻相近業務既股票(A&B)既年收入 (earning=1)都一樣, 價格亦一樣 (Price =1), 邊隻平邊隻貴呢?

Stock A: Price = 10, Earning = 1
Stock B: Price = 10, Earning = 1


假設二.
A股既 book value 係$10, B股係 $5, 咁你又覺得邊隻貴呢?

Stock A: Price = 10, Earning = 1, Book = 10
Stock B: Price = 10, Earning = 1, Book = 5


假設三. 

假設A 股收入年年遞增, B 股則年年遞減, 2020年 Earning 雖然一樣 ,你又點睇呢?

Stock A: Price = 10,  = 1, Book = 10
Earning 2018 = 0.1, 2019 = 0.5, 2020= 1

Stock B: Price = 10, Earning = 1, Book = 5
Earning 2018 = 2, 2019 = 1.5, 2020= 1


要將呢個慨念講俾對數字無乜想法既大當家聽, 最簡單既方法就係打個比如。二當家將價格比如為溫度, 將價值(平或貴) 比如為體感, 雖然溫度一樣, 但係唔同人係同一個溫度下會有唔同既感覺 (辦公室經常會發生)。

至於點樣判斷食係台灣食一餐飯係平定貴, 二當家根據非常不科學既方法加上個人經驗, 創下了「除二法」, 簡單而言, 就係將台灣既食物價格除 2 變做港幣價錢, 例如台灣 TWD100 既便當 = HK$ 50 食個飯, 食個西餐 TWD 300 就等於香港既 HKD$150, 去什麼無老鍋要TWD800~900, 就差不多等於香港打邊爐 HKD$400 ~500 落樓。當然, 如果你係個游客, 係台灣你完全唔駛理個價錢, 點都會平過香港。

自此之後, 大當家宜家次次出去食飯都話貴 。 😂

敗走台灣 - 預繳稅與現金流

在疫情影響下, 很多企業的 Cash Flow 也有問題。二當家其實過去台灣後也遇到 Cash Flow 的問題, 分享一下。

在台灣, 作為外僑打工, 政府係會先會先收稅 18% (非居住者 <183天), 183天後(居住者) 作一般處理, 可以選擇「預扣薪水所處於既稅階」或「最底稅階5%」。 而呢183天係每個課稅年度重新計算, 即 2020 年 1 月1 日起再開始計算 183天。

係香港, 習慣左先出糧後交稅, 加上香港稅率低, 加埋4大長老既免稅額都交得唔多, 二當家習慣左每個月都係正現金流。但來到台灣就唔同晒, 首先係大當家無野做, 二當家既家庭洗費多左, 正如之前所說, 來台灣後既家庭開支係少左, 但係家庭收入亦大大地減少 (2人工作變1人工作)。二當家係香港果陣既儲蓄率大慨係 30 ~ 40%。來台灣後估計儲蓄率得番15%左右, 但呢15% 係指稅前收入, 來台灣前無諗過係要先預扣稅, 所以在預扣稅後既收入, 加上開支增加下, 每年有幾個月竟然要負現金流。

上面表格為我既收入狀況, 假設我既每月收入係 100, 在2019 年課稅年度二當家平均已經預扣左15%稅款, 而2020年直到現在 (5月)每月預扣18%, 到2020底平均預扣 11.5%。在台灣, 報稅一般在5~6月, 經過計算後, 二當家係2019年度要交既稅係 5% (因為2019年一月至四月為香港收入, 另外申請全取四大長老的供養金免稅額), 即亦可以收番 10% 預扣稅, 但估計在6~7月才可取回。如上圖所示, 假設收入開支不變, 每年的首6個月二當家要預計負現金流每月3%的流出, 尾6個月才可以有每月10%的正現金流。

而2020年的預估稅率是20%, 2020年年底的平均預扣率是11.5%, 亦即二當家要在2021年的年中前準備 12mths X 100 X (20%-11.5%) = 102 去繳稅。

驟眼咁睇, 好似賺埋都唔夠交稅, 因為2020年度正現金流只有122, 但其中要預留102去交稅。但實際上二當家是簡化了很多收入及開支, 比如雙糧, BONUS (如果有), 一些非經常既開支, 如番香港既機票錢, 做手術既錢, 而日常支出也可控制, 包括之前講同房東傾減租, 食平食貴也可控制。

預視自己既現金流可審視到自己沒有資金短缺既問題。二當家既習慣係存有6個月以上既總開支作為儲備, 有D 朋友保守D既可能去到 8 ~ 12個月儲備。 但無論個底有幾厚都好, 宜家疫情下最大既問題係失業後搵再搵番份工係非常之難, 亦即分分鐘失業時間可長至>12個月。同樣, 有部份企業都未能有確實重啟的時間表, 削減開支為首要任務, 增加存活時間, 負現金流不可怕, 但見不到曙光才可怕。

投資日誌 2020/04/30 - 一動不如一靜

緊接落三月的股災, 四月份最多人知道應該是大家發現原來油價是可以負錢的, 還有就是巴老把所有航空股票清倉。

二當家亦在4月份時做了幾個交易, 不過非常失敗。大市升番晒, 升到股災之前一樣。 有人睇好, 建議唔同政府對賭, 有人睇淡, 因為實體經濟真係差。人生交差點, 究竟 cask is king, 還是 stock is king?

疫情方面, 亞太區已經穩定落黎, 但係新加坡仲未搞掂, 手上 SG REIT 隻隻都跌25%以上, 希望 新加坡快D 可以減低疫情傳播。

另外開始業績期, 手上有幾隻 BOND 都好危, 最危係呢兩隻 FET (能源) 及 AMC (娛樂)。手上3隻 CEF 都未有 ROC, 繼續 let it run, 其中MMU 有D 低水, 可能會加少少注。第一季美企業績唔算太差, 估計第二季至係最難睇。

以反彈力度來說, 股票反彈強勁, 其他類別無乜點升。

	Performance	Distribution
BOND	-21%	26%
CEF	-16%	6%
Preferred Stock	-16%	13%
SG REIT	-28%	15%
Stock	-4%	34%
REIT	-19%	6%
Grand Total	-15%	100%

YTD -15.4%


失敗的四月 trading 紀念

買入 
SDS @ 24.4 - 諗住以小博大, short x2 S&P500, 諗住個市會回一回, 點知回都唔回, 唔好同政府美國對賭, 蝕住走
1883 @ 2.71 - 穩定現金流, long hold
2606 @44.5 - 低水物管, 博一線物管升完去升二線, 不過發現二線總有原因, 唔識升
MSFT @163.1 - 升是比較好的投資, 升勢中追入

賣出
SDS @23
SPY @ 24
1052 @4.53 - 一賣就飛天
1848 @ 6.46 - 一賣就飛天
1928 @ 30
5 @ 40
700 @ 374  - 一賣就飛天 😓
MDT @ 98 - 大當家減持


Top 10 holdings

Symbol	Description	Gain/Loss
CC 6 5/8 05/15/23 1AB4	CC 6 5/8 05/15/23	-6%
1238	POWERLONG REAL ESTATE HOLDIN	-2%
165	CHINA EVERBRIGHT LIMITED	-19%
2318	PING AN INSURANCE GROUP CO-H	9%
823	LINK REIT	-9%
9988	ALIBABA GROUP HOLDING LTD	-5%
AW9U	FIRST REAL ESTATE INVT TRUST	-24%
P40U	STARHILL GLOBAL REIT	-35%
BTOU	MANULIFE US REAL ESTATE INV	-28%
FFC	FLAHERTY & CRUMRINE PREFERRE	-10%

News

FET
Forum Energy Technologies, Inc has offered to purchase up to 80 Million USD of its outstanding 6.250% Senior Notes due 2021 through a Dutch Auction tender offer.

https://www.marketwatch.com/press-release/forum-energy-technologies-incannounces-commencement-of-tender-offer-and-consent-solicitation-2020-04-15?tesla=y


最後, FET 近日有回購債券計劃, 用一種 Dutch Auction 的型式進行, 上 WIKI 查過, 這個是一種「價低者得」既回購, 每 $1000 蚊面值既債, 公司定價用 $340~400 黎收回, 換句話說即係 3 ~ 4 折收回。回收量只係發行量既 5% 左右, 唔知間公司能否挨過 2021 年。


//A Dutch auction is one of several similar types of auctions for buying or selling goods.[1][2][3] Most commonly, it means an auction in which the auctioneer begins with a high asking price in the case of selling, and lowers it until some participant accepts the price, or it reaches a predetermined reserve price. //

Title of Security		CUSIP Number		Principal Amount		Tender Cap		Early Tender		Total Consideration
				Outstanding(1)				Payment (2)		Acceptable Range (2) (3)
6.250% Senior Notes due 2021		34984V AB6		$387,830,000		$80,000,000		$50.00		$340.00 to $400.00

敗走台灣: 咁就一年...

時間真係過得好快...........咁又一年。

由有relocation呢個念頭, 到有呢個機會, 成功爭取, 整個 move 二當家都有寫下自己既諗法給自己回顧。感謝自己作出呢個決定, 好運地避開了香港社運及肺炎的影響。

除了自己, 感謝大當家的犧牲, 不論係事業上或其他。二當家番工都話仲可以見下人, 有自己既同事。大家當日日係屋企對住 4 幅牆, 我知唔易過。呢一年我地都無交到朋友, 真係番工放工都見住對方, 去邊都一齊, 第一年 settle down 後, 第二年就要繼續搵目標俾自己。二當家個小 project 已開始進行, 大當家亦係另外既方向到她的挑戰。

原本想每季回港一次, 結果, 一年內只回港一次, 而且好好彩咁仲可以投埋票。疫情下, 到到都 lock down, 唔 lock down 都要隔離14天, 一來一回 28日, 好希望疫情快D 過去, 6月份可以回港見見家人。

來到台灣, 好的地方有太多, 不好的地方也有。疫情下台灣打了漂亮的一仗, 希望未來有更好的未來。至於香港的未來, 由港澳辦換班子, 到香港政府換班子, 大家都應該明發生既咩事。中央已有定案, 亦已經強大到唔需要香港, 最多留你一個港交所吸受外資, 其他的一切都不重要。我暫時睇唔到香港既前景, 亦因為咁, 開始考慮申請投資移民到台灣。

公正 + M型社會 + 黑天鵝 +路西法效應

二當家既思想有D 跳線, 往往係由一個想法跳去另一個想法, 睇唔明係我既問題, 唔係你既問題。

上面幅圖好多人都睇過, 道理大家都明, 但實際上當有利益衝突時, 有幾多人可以好超然咁接受? 就講今次股災而言, 政府既資助往往係直接流入大企業, 及低下階層, 作為貧窮線以上既打工仔, 工要你番, 稅要你交, 樓要你買/租, 但係往往受到唔政府既幫助, 因為政府覺得你地搞得掂。

香港其實都唔算係福利型社會, 但長期下來既政策不衡, 向上流機會不足下, 呢班打工仔往往就最慘。呢度可以引用一下路西法效應, 制度上既不衡 (分配不均)係好容易引起衝突既。

假設學校都有分午餐, 要令一班原本好好感情既同學反面, 其實好易。 只要將部份同學既份量/質量減少, 而另一部份人增加, 在最理想既情況下係學生自行重新分配。但如果只將一部份人既份量/質量減少, 而另一部份人沒有增量, 學生自行重新分配既意願就會減少。靠自發性既重新發配去平衡其實係一件好難既事, 因為人性本貪, 自私, 尤其係社會上獎勵緊D又貪又自私既人, 變相鼓勵緊呢種行為, 最終只會更多令更多既人加入, 造成更大既不均。

被減少食物既人固然不高興, 而呢種不高興可能會轉去敵視另一批同學或分配者。假設分配者係老師(權威), 所有既不高興情緒自然會轉去無被減少食物果班同學到, 而食物減少既程度會影響佢地既行為, 假設佢地己經去到日日都食唔飽既情況下, 最後可能會發展到搶掠, 打鬥, 甚至挑戰權威。

作為分配者最重要既考量係公平, 但有極多既原因下, 分配者更偏向不公平既分配。而最大既挑戰係如何令到被分配既人覺得自己被公平對待。二當家諗到兩個方法, 1. 只有極少數人受惠
2. 資訊既不透明性 。再回到上圖, 現今社會下, 最理想既情況下當然係 Justice, 人人睇到球賽。

但現實中最有可能發生緊既係一小眾既人坐係 VIP 箱下, 輕輕鬆鬆咁飲住香檳, 嘆住冷氣咁睇球場, 望住呢班仲因為有個木箱企係上面而開心既平民, 心內暗爽, 因為呢班平民連有 VIP 箱既存在都唔知。



M型社會有好多原因, 其中一個原因係「邊個想做水魚」。一係你就盡力向上爬, 一係就讓自己向下流, 做水魚係最慘, 上下一齊壓迫, 住係三百尺唔夠但值幾百萬既屋入面, 心內即刻出現一個想法, 應該夠18歲就抽公屋, 。上一輩既人覺得你唔夠努力, 呢個時候睇番黑天鵝呢本書 (我只係睇左 YOUTUBE), 就會解釋到時代既改變, 亦改變左機會既分配。以前比較多「平均斯坦」, 大家都係有限時間, 有限既能力, 有限既資源去工作, 分配上比較平均。

即係做司機咁, 每個司機都係開8~10個鐘, 大家最多都係開一部車, 多勞多得。但如果自動駕駛真係成功, 創作「自動駕駛」果個團體可能就可以取代成個市場, winner take all. 唔通你去話班司機唔夠努力去開車, 定係要話班司機唔去進修增值自己?

黑天鵝本書入面, 介紹到「極端司坦」就係 high risk high return, 成王敗寇。願意去投資呢筆錢既人往往本物已經肚滿腸肥, 你睇下什麼什麼「天使基金」就知, 講到尾都係魚翁散網, 本身終勝。再者, 低息環境下, 大企業既借貸成本極低, 可以投入改善, 研究, 革新既資源更多, 亦即我地成日講既「護城河」之一。


講左咁耐, 其實我想講既係, 身邊既朋友一個一個咁被炒, 香港人有部份家底厚, 唔憂做既大把。但又有一部人家底無咁好, 又或者剛剛成立小家庭, 今次被炒, 心理上既壓力好大。你說他們工作不努力嗎? 努力又如何? 最終又係得一個大信封。失業率急升, 最終壓力又落番去政府到, 政府又要保企業, 又要保呢班失業既人, 連供緊樓既都要保埋。往後政府應該如何面對龐大既失業人士呢?

~奴動節快樂~😢

小生意: 台灣的優勢及劣勢

先說說二當家的小生意, 在香港的公司戶口仲未搞掂, 遙控咁搞真係好 Q 麻煩, 3個月既野搞左半年都仲未開到公司戶口。而近日同大當家討論投資移民的可行性, 因為在3月份台灣的投資移民改了要求,

1. 係經營期由 1年轉做3 年, 如期內執笠有可能會收番個定居權,
2. 要期內請兩名全職台灣員工,
3. 台灣公司要有實體地址 (非網店)

咁其實台灣做既野都好明顯, 第一項係因為好多人黎台灣開間殼, 一年多就執笠, 為左個身份而來。 第二/三項就係希望製造就業機會, 提高門檻。所以是否真係搞移民, 呢個都仲係考慮中, 始終移民既成本唔低。

不過移民係一件事, 搞小生意係另一件事, 二當家之前都講過, 係為了一個客而想做一個 dummy。 其實年頭果陣個客已經話唔係台灣呢邊做, 會番去家鄉搵 supplier, 所以中間二當家又心內涼了一截, 個 project 未開始已經停。但全球疫情漫延底下, 全世界既經濟活動好多都停晒, 二當家覺得個天幫我 buy time, 如果係呢個時候到做到個 dummy 俾個客, 話唔定可以 sell 到。

如是者, 就同我老闆 - 大當家傾下個 idea, 其實之前都講過下, 不過心內始終因為我倆既個人問題而有所保留, 宜家結果已經出左, 無後顧之憂, 而她也休息了一年, 有點蠢蠢欲動。大家商討後, 她也十分 buy in 我的 idea, 亦都覺得有得做, 最後決定 - 去馬 💣!!!


二當家要做既野有專業要求, 之前問個香港freelancer價, 要 HK$/400 以上, 但二當家係台灣, 又番唔到香港住, 搵香港人合作係有D 難度。而在台灣又沒有 network, 所以決定了網上搵 freelancer 去合作 (台灣叫「外包」)。 由於自己又唔熟行情, 所以先去幾個台灣外包網看看, 比教出名的有 Tasker (518), 104 外包, PPT 的 SOHO 版, 睇下D 外包既成交價錢同叫價。

基本上, 用香港人既角度黎睇, 價錢真係非常咁合理, 尤其係D 用無/低成本又非專業類既工作 , 比如設計, 拍照等 (我對所有設計師唔住😅, 我知你地有你地既專業性), 都係平到笑。如果你要搵某類專業人士, 其實台灣都好多 (尤其寫 APP, 設計 PCB, 剪片等), 要知道台灣既大學入學率係 9X %, 雖然讀書大學唔代表 D 咩, 但人力資源充足及相對便宜, 對創業者來說係一個福音, 始終資本有限。

而租金水平亦無可能同香港比, 係 GAMER.TW 到搵到一篇非常詳盡既開銷報告, 再加上網上 KOL 拍既實況紀錄, 心內都已經有個底。 如果要係台北開地鋪, 店面租金 around NT$30000~50000 (約一千尺, 月租HK$10000), 人工每人每月約 ( NT$30000~NT$40000)。成本雖然有數得計, 但台灣人既消費力真係唔強, 食個飯 NT$150 內, 所以做內銷其實唔易做。早前同個台灣朋友傾, 佢話好多台灣人都鐘意做生意, 但係主力做小生意, 所以有大量小店爭生意, 利潤不會太高。再加上國內消費力唔強, 年青人向上流既動力一般。朋人又說台灣人都愛錢, 但好多時唔肯等價交換 (加班, 犧牲個人時間), 無向上流既動力, 大家聽下就算, 二當家自己就不盡同意。

在台灣做生意, hardskill 易搵, softskill 難求。 softskill 包括語言, business mindset, 國際視野等。
例如一般香港人講講下野或多或少都會夾雜英文, 但如果同台灣人對話時夾雜英文, 好多時佢地都會聽唔明, 簡單如點咖啡, 在香港叫杯 cappuccino, 應該好多地方都明, 我甚至唔知cappuccino在香港的翻譯, 因為唔會用到。但在台灣, 你叫cappuccino, 好多台灣人只會「黑人問號」,唔知你講乜, 主動性強D 既只會問你「是否卡布奇諾?」無錯, 在台灣 cappuccino就係叫做卡布奇諾。

至於 business mindset, 其實同整個地方既風氣有關, 台灣就係以人為本, 香港係以錢為本。係香港, 同人傾生意, 利益大於關係。而係台灣, 關係大於利益, 無人脈唔單單係事倍功半, 甚至乎係寸步難行。簡單如租個店面, 複雜有如利益衝突, 上法院等事情 (我都係上網聽人講), 原來靠關係都可以解決。

另外就係國際視野, 例如平面設計, 餐品包裝設計等, 店舖裝潢等, 其實同香港都仲有好大距離。請別誤會, 二當家唔係想話台灣點差, 香港點好, 只係作為一個係兩個地方都工作/生活過既人, 加上自己係外資打滾左一段時間, 知道中間既差異係邊到。

而作為小小小創業家, 要思考既係如何利用地方優勢去幫助自己 及 盡可能避免地方劣勢的影響, 希望不日有更多既 update.


【心得】分享一下開了兩年咖啡店的心得 有心想開咖啡店的進來

敗走台灣 - 續租 + 近況 (六)

生活: 現居的地方已經差不多住了一年, 景氣唔好, 準備要 COST DOWN。 跟大當家在591 上看了不同的租盤。 在台北, 租盤真的不算多, 能符合我們的要求就更少。不要以為台灣的房子一定很大, 其實近年台北新建的房子也越來越少, 建坪 10~20坪為主 (約360尺~720尺建築面積, 實用面積約為70%) 。我們原本的目標為 35000台幣以下 (9000千港紙), 20坪以上, 另外要包電器, 要電梯大樓及希望係新裝。係左揀右揀之下, 選擇真係唔多, 同埋租盤都好搶手, 一放盤幾日就已經無左。

上網搵一搵台北租金資料, 大慨1300~1500台幣一坪(建評) (約400蚊, 36尺, 尺價HK$11). 當然, 呢個價無得同香港比, 但以我同大當家既想法, 我地 benchmark 既對像係本地人, 慳得一蚊得一蚊。

係一輪觀察及計數後, 想多一事不如少一事, 原因有三, 一. 搬屋都有成本考慮, 二. 有可能要再添置傢俱電器, 三. 如果搬屋要再簽過張死約, 萬一真係被辭, 隨時要著草番香港。考慮完以上幾點, 就膽粗粗咁向房東傾價錢。

##2020/05/04, 原來台灣既租約係要每年 review, 黎緊二當家都要再簽番一年, 唔怪得咁多房東唔肯等。

房東本身都係生意佬, 我地吉起條尾就想知我地做咩啦, 一開口就問我地如果下年唔加租, OK 唔OK。而另一邊廂我地梗係想減多少, 但 so far 房東都對我地非常唔錯, 大部份電器都係新置, 上年壞左冷氣都即刻同我地換晒, 我都無謂大刀闊斧, 係咁易傾左個價減 7%。房東都好快應承, 呢段時間大家心知未來經濟會差, 只係唔知會去到幾差, 同心抗疫不單單係載個口罩, 同理心呢個時間都非常重要。 最後我個 DEAL 係低過一千台幣一坪, 包管理費同第四台😘。


在台北市租屋，到底有多少困難？一張表看：整層住家、套房、雅房平均租金坪數
你租得起哪裡？「大台北房租地圖」看完準備搬家



工作: 因為疫情改善左, 只係 WFH 左一段好短既時間, 宜家又 resume normal。如果你問我, 我覺得 0 確疹 14 日至叫做第一階段勝利。但台灣呢邊0 確疹左2~3日已經有人覺得要開檳 , 點知昨天突然在敦睦艦隊上有21單確疹, 再一次提醒台灣人疫情係仲未完結, 不能有絲毫鬆懈。

至於 Job Security, 壓力一定會有, 就算唔係炒我, 但要我炒人都唔想。宜家望中國既經濟可以快D回復, 歐美應該仲有排。我地公司都係靠中國食飯, 如果中國唔掂, 未來我公司應該會非常地咁慘。

人生大事: 之前講左做第二次 IVF, 其實做一次 IVF 好快, 係女性一個 period 內就完成。而結果...係無野發生既😞。今次比起上一次易左接受, 一黎已經有第一次既經驗, 二黎就算得左, 頭4個月我深信每日都會擔驚受怕。自己一早已經做好左期望管理, 既然已經有答案, 人生終要 move on, 向下個目標進發。

而另外一個人生大事係考慮移民, 我同大當家都黎左台灣近一年, 開始熟悉呢邊生活, 所以近來二當家又再次同大當家傾呢個問題。我記得自己前文講過, 係呢邊做5年野可以拎到「永久居留」, 原來呢個只係俾「外國人」申請, 並不包括香港人。亦即不論我係呢到做幾耐野, 都唔會有係台灣定居既權利。而點解自己之前唔考慮移民宜家又再考慮, 其一我過黎果陣香港未有社會事件, 二黎自己對台灣亦都唔熟悉, 再加上三月份台灣又再修例, 移民又難左。 二當家移民並唔係希望搵到個避難所, 而係真係覺得呢個地方係適合自己, 才考慮移民。今次疫情後, 我身邊都好多移左民既朋友都話要回流香港, 不輪英美澳。當中最大既原因係接受唔到外國唔載口罩果套, 當我同大當家傾果陣, 我話俾佢聽「完美既地方根本唔存在, 我地只係尋找一個在接受範圍內可生活既地方」。

挑戰/創業: 因為以上既人生大事, 加強左要創業既意願。好多香港人黎移民, 都係搞下搖搖杯, 當俾少少錢去買個 passport, 但係此實乃非我所願。既然無後顧之休, 不如諗大D, 宜家心內有兩單野。

一單係之前一直講緊既, 以 project 型式做一個 product, development stage 3~4 個月, 諗住搵一班畢業生一齊搞個小項目, 但不符合移民條件。大當家已經 approve 左去馬。
另一單係用黎搞移民, 想幫一D台灣本土企業出口佢地D貨去外國, 但係我乜都唔識, 要由零開始。

有經驗既大神們, 如果有意見既可以指條唔黎行下。


投資: 繼續佛系, 個市 V 型反彈, 見到幾隻大股都升破高位, 有機會就繼續換馬。

打工仔記事 - Work from home (WFH)

係香港, 好多朋友同事一早已經 work from home, 而二當家係台灣情況相對較穩定, 但公司最終決定實行 work from home, 暫時未知行幾耐。雖然只係一個簡單既 work from home, 但對二當家來說實在是一個挑戰, 因為二當家所做既工作雖然部份同事可以拎部電腦番屋企, 但有部份同事係無辦法在家工作, work from home 對呢部份同事黎講只係代表放假。

在公司同老闆既立場黎講, 理得你乜疫情, target 一樣為照舊, 雖然有好多人覺得點解公司無人情味, 呢D 咁既時候仲講 target / KPI, 但商業社會好多時就係咁, 呢D咁既時勢就更加要做好D數, 否則下個被雞既就可能係你。而二當家要諗既就係點平衡, 如果我成 TEAM 人得一半人番工但係 KPI 等仲搞得掂, 老闆分分鐘一個屈尾十問你點解要咁多人。但如果搞唔掂條數, 老闆就會捽爆二當家。 如何又要搞得掂條數, 但係又要表現出唔夠人手果種無奈係一種藝術。


Work from home 後, 二當家其實有少少悶到發慌, 又唔可以離開部電腦, 好在屋企仲有大當家係到, 未至於對住四面牆發呆。 過來台灣之前, 有考慮過 lunch 過去附近既 gym room 做一個鐘運動, 結果梗係...............無疾而終。 今次 work from home, 決定pick up 番, 用 lunch hour 係附近跑圈加上做簡單既 HIIT, 希望身體可以健康D。疫情底下, 大家 Stay Strong & Stay Healthy!!! ✌

打工仔記事 - 冰河時期

無諗過二當家過來台灣, 竟然可以在未夠一年內體驗到世紀大冰河時期。 二當家打工果間公司係做零售既, 由社運開始已經衰到貼地, 今次仲要黎個全球疫情, 唔 cut 人就有鬼。

係香港, 前線既員工上年年底已經開刀, 二當家好運過左黎台灣, 心諗都叫避過一劫, 但今次疫情係全球性, 去邊都死。二當家係賣豬仔過黎, 保障當然無咁好, 但好在老闆們都知我係做野既人, 應該未LAY 到我。

但大環境壓落黎, cut cost 就一定, 原本二當家仲係前文到懶醒咁預左 buffer 被cut, 點知未開年, 二當家果 team 既 buffer 已經完全被 cut 晒。亦即係話, 如果疫情繼續拖延落去, 迫住再 cut cost, 可以 cut 既就係人(大部份都係 fixed cost), 呢點係二當家最唔想既。

打工既好多人係手停口停, 今時今日無左份工, 要再搵過份收入唔係咁易, 快則幾個月, 慢則幾年。二當家都係到諗, 如果被 cut 果個係我會點, 7 折出糧又會點, 我應該番香港, 定係留係台灣?

番香港, 就會變成「敗敗走香港」, 係香港又無樓, 單係租金都已經係一個問題, worst case 係食屋企住屋企。

留係台灣, 要搵番一樣既收入非常難, 分分鐘一半都無, 自己慳極都仲要供養香港四大長老。要大當家要係台灣再打工, 又可以嗎?

諗了又諗, 最後最有可能既係係台灣創業, 逆市創業從來都唔易, 但暫時係我想到既一條出路。

暫時都係得個諗字, 開源節流就一定要, 所以租約差不多到期了, 又要再開始搵樓租.......

下篇再講。

記錄: 應英國監管機構要求, 匯豐渣打暫停派息

https://hk.on.cc/hk/bkn/cnt/finance/20200401/bkn-20200401065344651-0401_00842_001.html


又係時候回顧下不同投資產品既特性

股票 - 擁有公司, 共榮共枯, 派息非必然
債券 - 放數俾公司, 做債主, 每年收息, 債到期還本
REIT - 信託亦必須將未來絕大部分的盈餘用作派息

其他
優先股懶人包 - 風兄 (ETD, Baby Bond, Senior Note, etc.)
http://laxinvest.blogspot.com/2017/12/blog-post.html

投資日誌 2020/03/28 - 股災記

二當家原本想每2個月才更新一次投資日誌, 但因為三月實在太多事情發生, 不得不更新一下, 先重溫一下以下新聞。

//020年3月9日清晨，全球最大的石油蘊藏國——沙烏地阿拉伯——突襲發動了「油價戰爭」，除了大幅降低出口原油售價，更宣布將擴大增產。由於全球經濟目前正被武漢肺炎大流行與中國遲未復工所拖累，石油市場早就連月走衰、供過於求。因此沙烏地的激進策略，瞬間重創國際油價31.5%，創下自1991年波灣戰爭以來單日最大跌幅。//

//3月3日「緊急降息」0.5%後，市場估計17日、18日的議息會議後會再次降息。
然而，美聯儲15日宣佈再次「緊急降息」，趕在周一亞洲市場開市前發揮作用，而且力度上一步到位，直接下調100個基點，降至0-0.25%的歷史低位。此外，美聯儲還啟動7000億美元的量化寬鬆計劃。//

//20國集團（G20）領袖26日表示，將「不惜一切代價」對抗新冠肺炎疫情，並將共支出5兆美元，對抗疫情對經濟的影響，幫助加快復甦，這也是G20成員國自金融海嘯以來，所承諾的最大規模協調刺激措施。//

//恒地 （0012） 去年少賺26%，並取消10送1紅股，為集團自2012年以來首次。//

//香港中華煤氣 （00003） 公布，截至去年底止年度業績，純利為69.7億元，按年下跌25%；若扣除物業重估影響，實際純利為67.7億元，按年跌7%。每股盈利為41.2仙，擬派末期息23仙，連同中期息12仙，全年共派息35仙。值得注意的是，分派紅股比例由往年10送1股，改為20股送1股。//

小弟個倉 YTD -22% 😭
IB Leverage 1.01

那些我們固有的想法, 一一在三月內被打破, 沒想到油價可以一天內平了一半, 美國息口一減再減, 散戶神話煤氣也由10送1 變做 20送1。以上有多少是你我能預測呢?

二當家個倉入面, 不論是股, 債, REIT, 等等都係跌到七個一皮, 無一倖免。幸好自己無用做大槓桿, 未至於被強制斬倉。3月中個倉最高跌到落 3X %, 跌到懷疑人生, 但亦有幸上了寶貴既一課, 大部份所謂既完美策略都係不存在, 在大跌市中, 要贏錢係F級難度, 能獨善其身是E級, 其他級數都係輸, 只係看你輸多少, 不過輸幾多都係帳面數字, 勿忘初心最緊要。


在跌市中, 痛定思痛, 股票方面把一些弱勢既換走, 希望換入強勢博反彈。 債券類別會持有到到期 (全數為偏短期 2021~2027到期) 。 SG REIT 會再望望, 有點後悔當初無入轉入 AJBU 等受疫情影響較細既 REIT。 CEF 有3隻, 新加入既 PDI 一買就蟹, 無減派息, Leverage 50%, 無派 ROC。MMU減左派息, 每月派$0.045, Leverage 30%, 未有派到 ROC。 FFC 無減派息, Leverage 40%, 無派 ROC。暫時會繼續持有。

以下為三月份的動作

賣出左
DOG @ 52 (過早賣出)
GLD @  152 (希望跌回 130水平再入)
1 @ 長和系, ,要揀都揀1038, 你睇下李氏父子幾大細超
1038 @長和系, 暗暗地覺得無國內資金支持既股難大好, 有人話外國疫情嚴重, 可能迫駛公共機構減費, 暫時睇唔通
12 @ 減持
1336 @ 換馬
966 @ 換馬
296 @ 換馬
3389 @ 垃圾股

1132 @ 垃圾股

買入左
SPY @283 (太早買入)
1109 華潤置地 (加持) @ 平均買入 33.2
175 吉利 @ 10.78 (博國策支持內銷)
1928 金沙 @ 27.4 (39賣出, 27.4買入, 國內合法賭場)
2318 平保 @ 73 (966/1336 弱勢左好耐, 趁機換入2318)
PDI @ 31 (月月收息系列, 一買就蟹)
MDT Medtronic @ 78.86 (醫療股, 大當家落單, 眼光獨到)

Top 10 Holding

Symbol	Description	Gain/Loss
CC 6 5/8 05/15/23 1AB4	CC 6 5/8 05/15/23	-10%
1238	POWERLONG REAL ESTATE HOLDIN	-6%
165	CHINA EVERBRIGHT LIMITED	-21%
2318	PING AN INSURANCE GROUP CO-H	4%
700	TENCENT HOLDINGS LTD	2%
823	LINK REIT	-13%
9988	ALIBABA GROUP HOLDING LTD	-11%
AW9U	FIRST REAL ESTATE INVT TRUST	-32%
BTOU	MANULIFE US REAL ESTATE INV	-25%
FFC	FLAHERTY & CRUMRINE PREFERRE	-24%

記錄: 股災下的學習

//更新, Google Sheet 的 Google Finance 真的很廢, HSI 52WK 低位應該是21139, 但不知道為何 GoogleFinance 下載出來的數據是 229XX, 建議大家還是用 IB 的 watchlist 好了//

在老闆 Group 內, 其中一個討論就係如何改善自已既操作, 當中有嚴守槓桿紀錄, 嚴守止蝕等等好多人都知既心法, 只不過相信大部人看見別人正在賺錢時, 甚麼心法也忘記了。

當中 Kenny 師兄提出, 制作一個 track list, 把一些指標性既產品去觀察, 每日花幾分鐘去望下, 我覺得呢個 idea 好好.

//要建立一個check list，每日睇，當中要有commodity 如oil gold , bond yield, stock index, 同fx
如oil 一個weekend 無30%, 星期一應可有反應。然後gov bond yield 急跌，應可留言到jnk, hyg 出事. 然後美滙急升，過100，金由1700 跌至1500。成個過程可以由10 個indicator 留意到。而且不用高深學問//

原文 Quote From Kenny兄, 已獲Kenny兄同意

二當家嘗試在google sheet 做是一個簡單 Track List, 當然也可以用 IB 上做一個 watch list, 看個人喜好。每日只花數分鐘便可以 sense the market, 因為好多時候單靠新聞, 未必有辦法全方位理解個投資世界發生緊咩事。另外, 如果可以更進一步理解不同產品既關係, 更有可能令到投資更進一步。

 Kenny 兄提到了一位叫 Cup Sir 既人 (Chart-reader CUP), 一搵之後原來 Cup Sir 數年前已經有自己既書, 近來仲玩埋 youtube。 Cup Sir 個名一睇就知行技術分析派, 但聽他的 channel 也可學到不少市場上的知識, 例如避險3寶, 白銀的作用, 如何駛用 VIX 去投資等。以二當家既資質, 要跌市下羸錢應該無乜可能, 但如果可以學到一招半識避開/減少捐失, 也實是一件美事。

Cup Sir Youtube
Cup Sir FB
《財技模式－－勢看大戶小動作》- 鄭璿斌


除了 Cup Sir 外, 二當家再重看一次 Ray Dalio 的 Great Debt Crises, 及在趙博(youtuber)中看看歷史, 留意趙博非經濟學者, 而是歷史學者。如果大家仲有其他建議, 歡迎留個言。

經濟半死, 金融不死

這篇是二當家想像的超超超簡單經濟與金融關係圖, 非常不嚴謹, 只為個人學習及拋磚引玉之用。

前言

以下為上圖解釋

1. 人民給錢儲到銀行, 以賺取利息。有需要時問銀行借錢 (e.g. P Loan, Mortgage)
2. 人民向公司用錢買取所需貨品/服務
3. 公司跟公司用錢買取所需貨品/服務 (例如供應商, 會計師行)
4. 不同的公司聘請員工提供貨品/服務
5. 人民賺到錢後, 消費及買個人資產 (多為用抵押的方式向銀行借貸)
6. 公司向不同方式去集資, 包括銀行, 發行債券, 上市等
7. 金融市場最最最x100 times基本的構成便是股市, 債券市場, 外匯等, 另外所有衍生產品包括牛熊証, ETF, CEF, 大量不同的合約(期權)。一般人就算無買股票, 其實也被迫參與其中, 例如強姦金, 中國的社保基金, 美國既退休基金等等。而金融體系比起實際經濟既規劃係大N咁多倍。
8. 銀行也會在金融市場上作買賣, 其中一個目的為賺取利差或放置閒置資金 (美債暫時還比認為是無風險利率既指標)
9. 當銀行不夠錢時, 便可用抵押品向央行換錢, 以作周轉
10. 政府都有開支, 所以會發放債券以抵開支, 又或者收緊市場上的流動資金 (e.g. 經常香港政府有盈餘, 而美國就經常性赤字)


經濟 – 以需求及供應為主導, 可以參照 PMI, 失業率, 通脹, GDP增長等數據為市場把脈, FED 等央行以控制利率為市場升溫/降溫 (QE前)

金融 – 理論上會影響金融市場為資金充裕程度, 企業表現, 及信任程度(e.g.債券評級)等為主導, 金融市場較為波動

記錄: 股災自我記錄

This time is different?

今次係二當家經歷既第二次金融危機, 在08年那次, 二當家還是剛出來工作乜都唔識既後生仔, 今日二當家已經有自己既家庭及家人要照顧。記得在 08 年那次, 屯門的樓不到一百萬, 今日400萬內既已經絕跡。 那時候剛剛出來工作, 還在為自己及 grant loan 等打拚, 首期呢D咁遠既 TOPIC 完全不在二當家的考慮之列。 在過去12年後, 資產飛升, 大家都受到了資產升值的得益或損害, 今次金融危機再臨, 是危還是機?

就今日發生既事來看, 問題其實遠比疫情嚴重。

1. 今次既疫情係全球性, 歐洲, 美國等都有好多餐廳等閉門不作業, 航空/酒店業大受打擊, 世界各地既大型活動都陸續取消, 相信今年奧運都凶多吉少。
   萬豪酒店數以萬計僱員不支薪休假 / 波音尋求美 600 億美元航空援助
2. 產油國造低油價, 油價大跌5成, 已經在30美元以下
3. 中美貿易戰,  帶來的後續影響
4. 全球化帶來的文化差異衝擊
5. 仇恨/民粹加深, 令各國難以聯手
6. 零息後, 美國可以操作既貨幣政策非常有限
7. 各國政府水平參差

各國行負利率, 印錢, 水流滿地, 但係有錢你敢唔敢借? 對未知既恐懼永遠係我地最大既敵人, 我地唔知幾時疫情會好, 亦唔知我地份工保唔保到? 宜家似借錢續命, 借左唔駛你還住, 你有錢先慢慢還, 債仔惡過債主。因為政府知道唔可以爆, 一爆就冚包散。但二當家相信大既唔爆, 細既都會爆, 昨天已經收到大眾書店全線結業既消息。以香港社運開始計, 都有9個月既延期效應, 相信今次疫情最大既打擊會在年尾前後, 大家儲定糧食過冬。


What do I feel?

說不怕是假的, 怕到IB 都唔敢開係人之常情, NAV 輸緊 45%。問題是, 我下次如何可以做得更好? 有一刻我係到諗其實我是否應該一早清倉, 因為不同的blogger的投資方法/取向等非常不同。例如十倍兄等, 一早已講明清倉, 但自已既目的係想要現金流 (槓桿賺利差), time the market 一直都不是我的強項, 最後二當家 take no action, 結果係股票, 債券, CEF 等無一倖免。

在最怕的時侯, 二當家會轉移想法, 把自己的投資物代入去「樓」, 假設我500萬買層樓, 跌到得300萬, 我又會如何? 如果銀行唔追差價, 其實都係死供姐, 挨過呢關就搞掂。 慶幸自己在 IB 既倉槓桿都係都係 <1.1, 應該未有耐會斬倉。巴老的第一格言係 Never Lose Money, 二當家今日要改寫為 Never Lose Hope. 在 Netflix 的 F1 看到傳奇車手 Niki Lauda的事蹟, 如何在賽車意外後再次回歸 F1 的比賽, 亦嬴得世界冠軍, 並帶領 Benz 雄霸近年 F1 的冠軍。留得青山在, 那怕無柴燒, 就算 Total loss, 只要命還在, 我們還是可以 flight back!!!

Niki Lauda - 勞達在1976年德國大獎賽期間遭遇嚴重事故，導致面部大面積燒傷，險些喪命。然而在6週後他卻在意大利大獎賽中重新復出。雖然當季冠軍最終歸於詹姆斯·亨特，但在下一賽季，勞達重新奪冠。此次事故也成為F1歷史上的傳奇。

Review my cash/cash flow/expense

Hope for the best, Plan for the worst 一直都是二當家的格言, 但現實中, 二當家最常做的是 Plan for the worst。所以二當家一直都在 Review 自己手頭上的 Cash 是否可以夠用 6個月, 甚至6個月以上。這類 Stress test 在無事無幹既情況下真係多鬼餘, 但亦多得這類 stress test, 令到二當家心裡面無咁憂慮。因為帳面上既升升跌跌並不會影響到我的生活, 至少短期內不會受到影響。

至於 cash flow, 其實真係有D緊拙。一黎大當家無工作, 要俾多份家用, 二黎台灣出糧打緊8折, 要先扣後退回, 所以只係剛剛好打個平手。但未來公司會係5,6 月份出 BONUS (應該 Budget 左), 短時間內資金應該會番黎。

至於 Expense, 還是經常性開支較重, 包括租金, 家用等。至於非經常性開支, 因為短期內唔會去旅行, 所以理應會減少。但因為決定左再試一次 IVF, 又會用多左錢。錢去錢還在, time limit 遠比錢重要。


Review my job security

在工作上, 二當家常常同同事說, know your position, know your value. 自己要知道自己的價值在那裡, 在上年5月份轉去台灣後, 我部門的 KPI 改善非常之多, 並能持續維持, 老闆都非常滿意。我亦盡量為部門同事爭取他們的利益, 但 Never Say Never, 做得好, 有成績, 並不一定代表唔會被公司炒, 頂多機率低一點。最重要的還是衡量自己是否 Irreplaceable, 能否為公司創造價值。二當家在新的財政年度還未到, 已經要想3個月, 甚至 6個月後點樣 cut budget, 不要等老闆叫你才做, vision 也是價值的一種, 多一分準備, 多一分信心。


What can I do?

在股市大跌期間, 二當家常常有個惡習係不看, 不理, 用駝鳥政策去應對。看到巴黎兄的新文<外星人襲地球>後, 決家就算不再加注, 也要換馬。換上一些比較安全或受惠於低息環境下的企業, 又或者現金流強勁的企業。

至於 Time the market, 又或者控制注碼, 這些其實還有很大很大的改善空間, 看到巴老又或者各大神的無限購買力, 立即明白到除了皮老闆常常說的「買入時機」, 更重要的是「現金流」及「本多終勝」!!!

What will be next?

Who Knows? 如果金融體制崩壞, 又或者大家唔再相信政府。那就算你滿手 CASH 又如何? 因為可能伴隨住高通脹, 你放係銀行可能仲要負利率, 到最後, 我相信政府都係要迫你投資。反資本主義既聲音會否再度響起? 民粹後世代又會如何? 大家拭目以待。

今次事件中, 二當家覺得最大的 Loser 係 WHO, 由12月開始到3月份, WHO, 特別是譚德塞的發言完全係自打嘴巴, 本來 WHO 就係要為人類係福址為己任, 但今次 WHO 的發言明顯地受到政治及經濟上的影響, 而沒辦法提出專業既提議。 只係一味講疾病未流行, 同讚同某些國家做得好好。譚德塞絕對要為今次疫情爆發負上很大的責任。