前文提到: 公司有放假政策希望員工可以在這兩個月內放多點假, 二當家本來打算在六月底回香港與家人聚聚, 所以一早已經請左假, 但一日未開放隔離措施, 回港既時間表仲係遙遙無期, 所以最後決定去台南台中逛逛。
很久之前二當家已經想幫自己做一個社交排毒, 遠離社交平台好好地咁放個假。剛好公司要員工放假, 所以在月底前跟大當家安排了一個台南台中精華遊。
上一次去南部已經是很久很久之前, 但那時候高鐵已經建成了, 去的是墾丁, 當年海角七號還未上演, 陸客也未到台灣。對南部的印象是, 有點像大陸, 說發展, 真係差國內一線城市十萬八千里, 很少看到高樓大廈。 今次去南部後, 印象其實沒多變, 友人說, 台灣就是以「慢.生活」, 10多年前的老店, 你會看到一樣的店員, 一樣的裝潢, 一樣的產品, 是好是壞?
來台南的目標非常明確, 為食而來, 台南有名的美食, 連台灣人都讚好。 由台北去台南, 二當家選的是高鐵, 台北到台南大約2小時的車程便到, 但由於台南站不在市中心, 下火車後便坐「小黃」(taxi) 去飯店。香港人來台灣非常頻繁, 很多香港人都當台灣/日本係第二個家, 不得不提來台灣, 最好先安裝「台灣大車隊」這個 app, 因為台灣很多偏遠地方打車都不方便, 有個 call 車 app 真係方便好多。
二當家第一餐既目標是牛肉湯, 不知道大家有沒有看 KC賞味隨筆 - 一個寫食評既 blog, 二當家都係跟住 KC 去搵食。當中 KC 有介紹到台南好幾間牛肉湯, 二當家就試左「阿棠牛肉湯」, 食評二當家就唔識寫, 但係湯頭真係好湯, 牛肉都好食啦。另外仲點左高麗菜少牛肉同肉燥飯。台南好多賣牛肉湯既鋪都係賣完就收鋪, 每日可能開幾個鐘頭就算, 要食好野要睇時間。
食完第一餐後, 就行去台南國華街二段~三段, 食鼎鼎大名既「邱家小卷米粉」, 未見到鋪頭名已經見到長長既人龍, 當天仲鬼死咁熱, 一路流汗一路等入座。成間鋪只賣兩樣野, 「小卷湯」同「小卷米粉」。老實講真係好普通, 二當家覺得小卷米粉既米粉有D似香港既粉仔, 又無乜味, 真係可以唔駛試, 試下個湯就算。而個湯係清甜既, 但無甚驚喜, 食過便算了。二當家到訪的當天是星期日, 國華街二段及三段正好封閉讓行人慢步, 兩傍也有很多不多小店賣小食, 邊走邊食不亦樂乎。
其實在臺南市美術館2館周還有很多美食, 在府前路一段的「福記肉圓」, 「檨仔林阿全碗粿」, 「莉莉水果店」等, 無耐天氣炎熱, 加上眼闊肚窄, 行下行下, 最後走左去林百貨嘆下冷氣。 坐住部唔知有幾多年歷史既電梯去到頂樓, 一眼望到林百貨內竟然有冰凍既豆花食, NT$40 一碗, 唔算太貴WO, 剩係可以係冷氣環境下用餐呢一點已經覺得超值 (注: 當天台南應該有 33度以上), 二當家其實係台灣食過好多次豆花都覺得都麻麻地, 香港既豆腐花好食好多, 但林百貨賣既豆花, 不論味道, 質感等都非常不錯, 貴得有道理 (😜荃灣豆腐花之戰, 我走果陣賣緊 HK$7 一碗, 宜家台南食一下碗要HK$10)。
行完林百貨後, 坐的士去左「安平定情碼頭德陽艦園區」睇日落, 上左隻小型軍艦到睇下, 興趣真係不大, 但係可以影下相開心一下都算不錯啦, 影完相後就回酒店沖個涼休息一下, 等開飯。
晚飯訂了「村料理」, 這間餐廳是餐廳+民宿合營, 主打無菜單既海鮮料理, 食既係台灣古早味。我們訂了 NT$800 既海鮮餐, 我知係貴, 但這個是大當家下旨要食既餐廳, 偶爾豪少少都唔算過份😋。當中連甜品+飲料總共8個菜, 有鮑魚沙拉, 元貝咸蛋米糕, 蒜香蛤蜊蒸蝦, XO醬炒小卷, 烏雞湯, 及八寶福袋 (入面個餡料似獅子球), 甜品係鳳梨椰汁糕, 飲品係烏梅汁。大當家同我都覺得度度菜都好食, 仲食到鬼死咁飽, 老闆仲好好人咁送左兩隻自己包既台南糭俾我地做手信。
第一天完
Monday, June 29, 2020
Wednesday, June 17, 2020
敗走台灣 - 專業移民? 就業金卡? (上集)
在國安法風波後, 好多身邊既朋友都問我移民台灣既野, 但其實二當家只係拎住工作簽證並無移民, 好多問題都答唔到。 同埋二當家覺得好多人只係一時衝動咁去問, 並非真心有意移民, 所以有時我都費時答。
之前二當家都有講到, 自己開始有移民(定居)呢個念頭, 但台灣呢邊係3月份果陣拉高左移民政策, 老實講, 以香港人既財力, 有心走既人再高既移民政策都無用, 香港人賣左一層樓, 600萬台幣/150萬港紙真係隨時到手。就算經營再差蝕左2/3, 用一球野走佬都化算。不過二當家並非提倡移民台灣, 台灣本土都有自己既問題, 就如 6/6 罷韓, 如果一切都咁美好就唔會有呢類不滿既出現。再者, 大國一統既夢一直都無停過, 之前已經用經濟實力去令航空公司跪低。又再再者, 台灣其實有好多上一輩既人係覺得中台一家親, 為左逃離大國操控而去台灣並非一個好的選擇。老土咁講, 你唔鐘意呢個國家, 咁你去果度生活只會苦了自己。
說回二當家, 二當家並非家財萬貫, 要用投資移民既方法就要做好多資金既調動, 老實講二當家既興趣不大, 因為又要聘請當地人, 又要有地址, 唔符合二當家既膽小既性格, 所以一直同大當家傾左好耐, 一直無定案。
但機會係留俾有準備既人, 正當二當家唔知點算之際, 公司又發左一個email 黎令我有新既方向。
入正題前, 先旨聲名, 二當家並非移民顧問, 只是用我自身經歷去分享我的經驗。
====================================================================
事緣係公司 fwd 左個 email 黎, 內容大慨是說一些外國同事可以申請「就業金卡」。
二當家上年來台灣都係公司幫手搞, 本身對自己是用什麼身份入境等一慨無有慨念, 只係跟住公司既指引做, 交文件, 等結果。
來到台灣後, 至慢慢理解台灣既法制及申請手續等, 首先二當家是用 HF147 這個身份來台的, 在台灣的居留証是有個編號, 代表住在台灣逗留的原因, 比如說是依親, 投資移民, 專業移民, 就業金卡等。在台灣, 居留, 工作及經商等是由不同部門負責, 你可以在台逗留不代表可以打工, 可以打工不等於可以做生意。所以一般人來台居留, 是要跑不同部門去申請資格, 例如勞動部批准至可以打工, 移民署批准至可居留。
以下為這篇文章討論到的身份代碼
- 四十三、（身分代碼HF147）依外國專業人才延攬及僱用法第二十條準用同法第七條規定來臺工作，經中央勞動主管機關或目的事業主管機關審查通過者。
- 九、（身分代碼HF160） 具有專業技術能力，並已取得香港或澳門政府之執業證書或在學術、科學、文化、新聞、金融、保險、證券、期貨、運輸、郵政、電信、氣象或觀光專業領域有特殊 成就者。 (專業移民)
- 三十七、（身分代碼HF198）依外國專業人才延攬及僱用法第二十條準用同法第八條規定申請就業金卡者。(網路申請)。
而「就業金卡」都係一個身份, 這個身份是給「外國專業人才」。我要先說明, 台灣既法例雖然係用中文寫, 但要理解佢既背後含意並不是這樣簡單的事。例如「外國人」, 二當家覺得自己係外國人, 但在移民署內既外國人並不包含港澳人士。但在勞動部指既外國人可能又包括港澳人士, 每次都要細閱才可分辨。
而「就業金卡」對外國人(非港澳)人來說, 是一種四合一的身份 (結合勞動部核發之工作許可、外交部核發之居留簽證及內政部移民署核發之外僑居留證與重入國許可), 提供一個方便。而港澳人士則擁有「工作許可」及「居留」的權利。 而「居留」與「定居」(入籍)是不同的慨念, 詳細不在此文討論。
"何謂就業金卡?
A1：就業金卡係個人化就業准證制度，核發給經中央目的事業主管機關審認具備外國特定專業人才資格者，結合勞動部核發之工作許可及內政部移民署核發之臺灣地區居留入出境證兩種功能之證件。"
外國專業人才延攬及僱用法 - 就業金卡 Q&Ahttps://foreigntalentact.ndc.gov.tw/cp.aspx?n=57ABC704441FFEFC&s=599D7ED90EBC39C1
申請「就業金卡」既最大既好處, 就係並不需要受聘也可以留在境內。以二當家來說, 我的居留証是跟我公司的聘請合約連在一起, 得到勞動部批准在台工作。假若公司要裁員, 二當家要在一定時間內離開境內 (好似不足一個月), 其實對二當家並沒保障。再者, 二當家要轉工都非常麻煩, 假設台灣有其他公司聘請二當家, 聘請二當家果間公司要再重新向勞動部申請, 所以也有可能影響到公司或二當家轉工既決定。
而「就業金卡」係一個個人身份, 跟工作合約並沒有連上任何關係, 即公司跟我解約, 我仍可合法地留在境內。而且金卡本身附帶有其他好處 (e.g. 稅務上), 有興趣的可自行爬文。但「就業金卡」最大既問題係只擁有居留身份, 但並沒有定居既權利, 而居留身份是要以每一至三年重新審核既方式去重新申請, 當政策改變時, 有可能不被批核。所以對二當家而言, 「就業金卡」並不能達到「移民」這個目的。
而另一個十令人混亂既 Term 就係 「專業」。「專業移民」指既究竟係「專業能力」定「專業人才」, 單看上面, 專業人才已經可以分成三種不同既專業人才, 隻隻中文字都識, 但就係唔明有乜分別。而你在移民署內見到既解釋, 可能又同勞動部既解釋唔同, 如果真係要理解, 我十分建議先閱讀下而既兩條法例。
法例外國專業人才延攬及僱用法
https://law.moj.gov.tw/LawClass/LawAll.aspx?pcode=A0030295
香港澳門居民進入臺灣地區及居留定居許可辦法
https://law.moj.gov.tw/LawClass/LawAll.aspx?pcode=Q0020008
二當家是以HF147入境, 是以「外國專業人才延攬及僱用法」進入台灣境內, 而 HF147 跟 HF198 (就業金卡) 看起來要求十分相近, 所以令二當家有一個很大的問號, 二當家算否「專業人才」? 可否申請專業移民 HF160?
在坊間, 十之八九都係同你請要有專業資格 (CFA, CPA, 等等), 或者有CERT, 有特殊供獻, 拎過國際獎項等。但二當家通通都無。但二當家又可以以專業人才既身份進入境內, 在這方面一直都想不通, 直至陸委會看到 HF160 的「專業人士居留審核資格」附件, 突然看到一線曙光。
大陸委員會 - 香港辦事處 丁、香港、澳門永久居民申請在臺居留https://www.teco-hk.org/cp.aspx?n=23B1A3A6BA521F00&s=F60360B41EF2C6D2
具有專業技術能力，並已取得香港或澳門政府之執業證書，或在學術、科學、文化、新聞、金融、保險、證券、期貨、運輸、郵政、電信、氣象或觀 光專業領域有特殊成就者(HF160)
＊應備文件請瀏覽香港澳門專業人士申請在臺灣地區居留資格審核表
在交代之前, 我先說一下不同証件要申請的不同程序, 以下為我一般理解。
一般申請: 移民署 (申請) -> 去各審理部門交文件 (如HF147勞動部, HF162投審會) ->拿到批文後再回移民署作最後審批
HF160 (專業移民): 移民署 (申請) -> 專業審查 (經濟部/科技部等) ->移民署 (最後審批)
二當家另一個疑問是, 勞動部在「專業移民」 HF160的審查裡扮現什麼角色?
二當家指的一線曙光便是在「香港澳門專業人士申請在臺灣地區居留資格審核表」的PDF內的最後一項, 而這一項的審理部門竟然是「勞動部」。要知道, 不管在移民署或其他機構, 「專業移民」的審核資格基本上係完全無提過「勞動部」, 點解呢?
而二當家的想法是這樣的, 如果我能拿到「HF147」, 即勞動部承認我是專業人才, 如果在申請「HF160」時審理的也是勞動部, 可以拿到的HF160的機會便很高了。
內政部 - 移民署香港澳門專業人士申請在臺灣地區居留 - 資格審核表https://www.immigration.gov.tw/media/50205/%E9%A6%99%E6%B8%AF%E6%BE%B3%E9%96%80%E5%B0%88%E6%A5%AD%E4%BA%BA%E5%A3%AB%E7%94%B3%E8%AB%8B%E5%9C%A8%E8%87%BA%E7%81%A3%E5%9C%B0%E5%8D%80%E5%B1%85%E7%95%99%E8%B3%87%E6%A0%BC%E5%AF%A9%E6%A0%B8%E8%A1%A8.pdf
香港澳門專業人士申請在臺灣地區居留資格審核表 - 最後一項
依公司法設立 之公司、經認 許之外國公司 或經備案之外 國公司代表人 辦事處聘僱之 主管或專門性 及技術性人 員。
專門性及技術性人員係指擔任下 列條件工作之一者：
(一)依專門職業及技術人員考試 法規定取得證書或執業資格 者。
(二)取得國內外大學相關系所之 碩士以上學位者，或取得相關 系所學士學位而有二年以上 相關工作經驗者。
(三)服務跨國企業滿一年以上經指派來我國任職者。
(四)經專業訓練， 或自力學習， 有五年以上相關經驗，而有創 見及特殊表現者。
單看上面的那個 PDF, 也覺得太過簡化, 原因是該文件是在移民署內的文件。要查是否合乎這個資格, 二當家找了很多網頁也找不多, 移民公司很多也不知道有這個條例, 最後, 終於俾我係勞動部「專門性或技術性工作(審查作業手冊)」中找到相關條文, 以下為審議原則。
審核原則
1.第 1 款指取得中華民國考選部各項考試資格者。
2.第 2 款各國學制之認定，依各國教育行政組織與學制或教育部外國大學校院參考名冊。
3.所稱 2 年以上工作經驗需為其畢業後之相關工作經驗始予採計，渠在學期間之實習或工讀不予計入（勞動部 93 年 4 月19 日勞職規字第0930201811 號令釋）。
4.第 3 款有關跨國企業之定義，跨國企業指在 2 個以上國家建立子公司或分公司，由母公司或本公司進行有效之控制及統籌決策，以從事跨越國界生產經營行為，其母公司或本公司在國外，且在臺灣地區設11序號 資格條件 相關法規 審核原則有子公司或分公司，並符合下列各款要件之一之經濟實體（勞動部 101 年 4 月 9 日勞職管字 1010504602號函釋）：(1)申請前一年於全世界資產達二十億美元以上。(2)經經濟部工業局核發企業營運總部營運範圍證明函。(3)國內員工數目達一百人以上，且其中五十人以上具專科以上學校學歷。(4)國內年營業收入淨額達新臺幣十億元以上。(5)區域年營業收入淨額達新臺幣十五億元以上。
5.第 4 款審認原則如下(1) 外 國 人 經 專 業 訓練，或自力學習，而有創見及特殊表現者，指領有與工作12序號 資格條件 相關法規 審核原則相關之專業證書、專業受訓證明、著作、論文、專利及發明或國際技能競賽得獎資料等。故雇主申請時應檢附外國人前開文件證明之一，以及符合相關專長之 5 年工作經驗證明(該工作經驗應與其申請之工作相關)。(2)外國人過去相關工作經驗達 10 年以上，且受聘僱薪資達新臺幣 8 萬元以上者，若未能檢附訓練、特殊表現等證明文件時，得以原(現)任職企業出具之工作表現推薦文件替代，另該推薦文件應載明之事項包含外國人之職稱、工作內容、工作期間及特殊貢獻表現。 a.經審符合規定核予工作許可者，將13序號 資格條件 相關法規 審核原則於其提出展延聘僱案件時，核對實際給付薪資與原約定薪資有無不一致之處，雇主未能具體合理說明者，必要時將請中央目的事業主管機關提供審查意見。 b.於 104 年 11 月前以推薦函及 5 年以上相關工作經驗符合本款資格者，後續再提出申請時，不受 10 年以上相關工作經驗及聘僱薪資 8萬元以上之限制。(3)以上資料經認定仍有疑義者，將請縣市政府前往訪查。
簡單而言, 公司要夠大!!!
就咁睇, 如果二當家做緊間公司有可能合乎以上資格 (反正我不知道)。 如果二當家申請到 HF160, 再坐一年移民監之後就可以用「專業移民」既方法去申請定居, 相比之下, 投資移民要俾600萬台幣經營三年化算得多。再者, 如果轉唔到 HF160, 轉去「就業金卡」至少都可以有個在台居留權, 雖然無定居既權利, 至少也沒有被迫回港既急切性。
暫時二當家交左俾 HR 去跟有關政府部門去申請, 未咁快會有結果。
如文章一開頭所說, 有好多人都係喜歡拋出問題, 例如有問朋友問我, 話自己有好多 networking 既 cert, 合唔合乎資格申請, 我鬼知咩, 我收你一兩萬就話幫你查下姐, 你求奇拋個問題出題, 你期待二當家可以俾到一個咩答案俾你?
就咁睇, 如果二當家做緊間公司有可能合乎以上資格 (反正我不知道)。 如果二當家申請到 HF160, 再坐一年移民監之後就可以用「專業移民」既方法去申請定居, 相比之下, 投資移民要俾600萬台幣經營三年化算得多。再者, 如果轉唔到 HF160, 轉去「就業金卡」至少都可以有個在台居留權, 雖然無定居既權利, 至少也沒有被迫回港既急切性。
暫時二當家交左俾 HR 去跟有關政府部門去申請, 未咁快會有結果。
如文章一開頭所說, 有好多人都係喜歡拋出問題, 例如有問朋友問我, 話自己有好多 networking 既 cert, 合唔合乎資格申請, 我鬼知咩, 我收你一兩萬就話幫你查下姐, 你求奇拋個問題出題, 你期待二當家可以俾到一個咩答案俾你?
後記:
在考慮移民既過程中, 二當家都同不同既朋友, 移民公司, 或 FB Group 到參考資料。以下係小小心得.
台灣政府做野絕對無香港咁有效率, 最好上網理解左程序先, 如果你跑去政府機構到問, 好多政府既「義工」會玩到你傻, 「義工」係一班好熱心, 好多時間既人士 (多為退休人士), 係政府機構或醫院幫助民眾解決一般既問題, 出發點係好既。但當你既問題超越左佢既能力, 好有可能會帶你去兜個大圈。
單單看以上文章, 已經知道台灣各部門並沒有合作得非常之好, 除了「就業金卡」係比較方便外 (統一網上申請及交文件), 所有跨部門既申請絕對可能玩到你傻, 你推我讓, 就連公司的 HR (台灣人)也說政府內部有點亂,希望未來可以改善。
有錢無時間, 俾錢人搞係好方法, 但移民公司並非萬能。例如二當家既 CASE, 在網絡上面應該沒有人談論過, 所以唔好諗住俾左錢就可以解決晒所有問題, 在台灣, 人際關係緊要過錢。
Monday, June 15, 2020
由免費到收費? It's all about the content!
首先恭喜風兄有意復筆!!!
看到了越來越多的 blogger / youtuber 轉戰去
Patreon, 二當家對這現象感到非常有趣。
在過去 10~20年, 大部份群眾是經歷是最黃金的低消費年代,
記得由老翻開始,
看電影唔駛入戲院,
10蚊隻老翻,
睇完唔要都唔心痛。後來網絡發達,
BT 等
P2P 等大行其道,
download 電影連錢都唔駛俾。再後一點開始有機頂盒, youtube, 內地視頻等, 當 youtuber 真正普及化我覺我是近5年吧,
手機再加上新科技帶來既便利,
每個人也可以成為
youtuber, 越來越多人由social network 跳進公眾平台。而最近 2 年是越來越多youtuber
跳去
Patreon, 我覺得原因有以下
1. 內容創作者要有更穩定既收入,
例如知識性內容既發放者目標係小眾,
在觀看人數不多的情況下要轉戰收費平台,
提台專業知識及資訊。而大眾平台則會偏重提供娛樂。
2. 避免 Haters, 會付費的通常是有點真心追隨的粉絲。而且在在公眾平台留言係零成本,
Haters 很難避免。
3. 公眾平台受到政治因素越來越大,
有部份內容很容易被判斷為敏感題材而影響內容創作者收入
4. 內容創作者希望有更私人既空間與觀眾交流
對很多內容創作者來說, 公眾平台由「發送平台」變做「宣傳平台」,
吸引新的觀眾,
希望能一邊增加曝光率一邊增加收費群眾,
部份內容可能會兩個平台發放,
或獨家於收費平台發放,
公眾平台作宣轉。前題是,
內容量一定要非常多。如果你一星期只發一至兩條片,
在公眾平台上可能只能發
trailer, 又或者發舊片/過時既片。如果兩邊發放內容相同的話, 付費既群眾又覺得點解唔單去公眾平台睇就算。
再者, 由免費到付費, 群眾就由
viewer 轉做 consumer, 付費後的要求也可能不同。內容創作者亦要放棄部份自主, 例如要定時出內容, 內容質素要有一定水準,
否則無有誘因去吸客。
經營收費平台能否成功, 有看有幾多忠心粉絲, 最容易吸引人既不外乎 政治 及 搵錢。政治十之八九都係陰謀論,
因為好多野根本無法驗證,
靠大家的幻想空間。而搵錢就非常容易理解,
俾錢既群眾或多或少都係有拿
Tips 的想法。作個假設好了, 一個放 TIPS 既內容創作者同止凡兄, 兩者都開設收費頻道, 你覺得邊個頻道多D
人科水?
我相信大部份人付出都係要求有收穫,
而收穫最容易衡量既方式就係數值化。
另外, 內容創作者可以收費我覺得是很容易被限制。原因是除非你的知識/技能是獨有,
不能被復制,
否則網上既內容真係多如天上繁星,
只是表達方式不同。以前得到知識很不容易,
今時今日係太過容易,
上google
一
search, 沒有學不到的事。付費的群眾可能亦有一種心態是請個人做 screening and summary, 讓人把自已有興趣的資訊整合再講出重點,
此類型既付費群眾的想法是付一個小錢當買份報紙,
亦很難把價錢提高。
最後就係信任問題, 如果內容創作者既內容並不能達到付費者既要求理想水平
(理想水平同價格亦有直接關係),
例如內容創作者走數或者
hea 寫可以點搞寫?
雖然收費模式可以係月付,
但要提升金額非常之不容易,
而內容創作者要用收費頻道做主要收入來源真係好難去維持。
而內地流行既打賞文化, 暫時未係中國以外既地方流行
(又或者我留意唔到),
聽聞內地網紅單單係打賞既收入,
生活已經可以過得非常豐盛。打賞文化既流行,
我覺得或多或少都係因為內地網商既推波助瀾,
改變了用戶習慣。記得新年時,
我的微信無端端都會收到紅包,
雖然電子錢包在香港仲係一個「散紙包」既角色,
但已不難預見,
微信支付及支付寶將會滲透我們既生活。
網上生態圈一直在轉, 大家都在不斷學習, 參與,
適應。 我不敢說新的收費模式一定會不成功 / 成功, 一來每個人的目標是不同, 有部份人真心只是想與有興趣的群眾去交流,
收費模式只是用來隔絕
haters, 用這個方法去想, 收費模式是成功的。但如果用經營的角度二當家就覺得有一定難度, 雖然最終一定有人可以突圍而出 (例如國內一眾大V),
但並不是一條易走的路。
以上是二當家作為一名觀察者的想法。
Tuesday, June 9, 2020
打工仔記事: 無薪假/減薪
疫情影響下, 身邊既朋友越來越多人要減薪, 放無薪假或被遺散, 二當家亦有這個問題。
上網睇下, 其實減薪及無薪假都要你情我願, 不能硬推, 咁如果員工唔接受可以點? 僱主最終可能因應環境被迫裁員。
- 從員工既角度, 生計收到影響, 固然唔開心, 但二當家覺得今次係「不可抗力」既打擊, 好多員工都要被迫接受。而且, 公司搵到錢果陣, 有幾多公司係會按比例分紅, 通常一般員工 (非commission) 都係有分紅比例上限, 搵到再多, 都係落入股東, 老闆, 高層個口袋入面, 剩底落黎既至分餅仔俾基層員工。但到有事陣, 就大家一齊共度難關, Life is not fair, 二當家既想法係唯有向上爬, 改變制度。
- 從公司角度, 梗係要節衣縮食來度過寒冬, 非必要我相信無公司想炒人。二當家唔係無認識過好老闆, 賣樓救公司既大有人在, 但救得一時, 唔救得一世, 科水都有極限。員工肯合作固然係好, 如果員工唔肯合作, 遺散可能真係最後招數。
近來睇完左本<The 7 Habits of Highly Effective People>, 好多人都用 win-lose 慨念去猜度他人, 唔係你嬴我輸, 就係我嬴你輸。二當家認同如何尋求 win-win 才是長安久治之舉, 行捷徑永遠最易最多掌聲, 但不能長久。
二當家所在既公司都有假期政策要推, 在法理上, 公司不能硬推, 但壓力就落在二當家呢個小中層身上。二當家亦別無他法, 唯有動之以情, 身先事卒咁響應。其實二當家想法很簡單, 保住員工們既身計, 在呢個時間點上你要去挑戰公司實在是非常不明智既舉動。
但有員工覺得這個是他們的權利不應被強迫接受, 二當家覺得呢位熱血員工其實無錯, 道理/法理都在員工果邊, 員工的確係有權力不接受, 但在情感上我又明白到公司既安排。二當家夾在中間, 盡左力, 只好無奈將個問題交俾 HR 去解決, 但呢件事件已經刺激到老闆神經, 佢既仕途應該到此為止。
老闆隨後都出左封信寫道「希望員工是用能力去保護自己, 而不是躲在法例之下」, 因為在法例下, 員工權益其實是非常薄弱。老闆是有心之人, 當然希望台灣能好起來 (從公司到國家層面), 另外也明白到台灣係中美夾心餅, 無有實力的台灣只能任人擺佈。二當家今次都進步左, 以前總覺得要討好所有人, 今次明白到要討好每一個人是不可能的事, 做人但求問心無愧。
這次疫情, 對企業管治實在是一大挑戰, 無論是是否要求員工放無薪假, 減薪等, 又或者是否要政府打救, 如海洋公園及國泰等。陰謀論既極限係你做咩都錯, 做又錯, 唔做又錯, 行左又錯, 行右又錯, 一個建立於無有信任既社會只會串步難行, 正如一張鈔票, 沒有信任只是一張廢紙。
Sunday, May 31, 2020
Netflix - Dirty Money
Netflix 的一個節目 Dirty Money, 中文譯做 <不義之財>, 睇個名都知係講一D企業發生不公正行為。當中有一集個主角就係 Trump Trump, 講佢既生平事蹟, 非常精彩。
最後果段將佢早期做老闆果陣既演講, 同做總統時既演講做一個神剪接, 真係笑死二當家。推介呢集一定要睇。
Thursday, May 28, 2020
What- if........it happened on you?
Shocking video of Black American killed by police triggers widespread protests
https://www.nationalheraldindia.com/international/shocking-video-of-black-american-killed-by-police-triggers-widespread-protests看完後有些感慨, 世事不是完美, 雖然事情到最後也是發生了......但至少
1. 民眾曾經去執法人員提出及要求停止該行為
2. 事件爆發後, 人民站出來聲討這種不公義
這算是...亂嗎?
如果同樣的事, 發生在別的地方, 又會如何?
如果在你理想的世界發生了這件事, 你希望可以如何處理?
Thursday, May 21, 2020
[投資] 好的教師, 教的思考的方法, 而不是答案...
在投資路上, 訂閱的 blogger 也過百了, 二當家絕非什麼投資高手, 但看得多文章, 也能分辦誰好誰壞。
以下係我既良心建議, 如果想學投資的話, 二當家建議看:
Oaktree Capital - Memo from Horward Marks - 難度 4 ****
https://www.oaktreecapital.com/insights/howard-marks-memos
免費發放, 通常一年只出幾篇, 但篇篇都係含金量極高既文章。最近世界上發生既事太多, MEMO 也多了。在2019年Horward Marks只發表了5篇MEMO, 但在2020年, 到今日已經發了6篇, 當中談論了負利率, 不確定性, 疫情後既新世界等話題。不要期望文章中有答案, 他只是提出問題讓你去思考, 做不同的假設, 二當家非常建議參考閱讀, 反正文章又不多。
Ray Dalio - Linkin 文章 - 難度 5 *****
https://www.linkedin.com/in/raydalio/detail/recent-activity/
非常有名的基金經理, 老實講, 我完全無睇過佢既基金表現。睇佢既文章當然係就住佢既名氣, Ray Dalio 出了兩本書, youtube 都有好多關於佢既理論既 video。 第一本書 Principle 對我黎講係本工具書+心零雞湯, 感覺就好似教你 PDAC (Plan Do Act Check 或 DMAIC 等既野, 教你在人生/工作中不斷克服困難, 分享他在人生中領悟到既「原則」。當中最有趣既係橋上內部既民主系統, 加入了科技元素及新既平衡, 達至更好既結果。
而第二本書講Big Debt Crises 就講經濟循環, 更詳盡咁研究不同經濟循環下既特徵。佢既新文會在 Linkin 內發表, 今次仲講埋國力比拼, 世界大國興起既循環, 要知普通人一生都係70~80歲命, 而佢既研究係以看出幾百年來國與國之間的強弱及轉變原因。要睇得懂佢既文章首先要一定既基礎, 否則應該悶到傻。
Gooaye 股癌 - 謝孟恭 難度 3 ***
https://www.youtube.com/channel/UC23rnlQU_qE3cec9x709peA
近來聽到的一個台灣 KOL, 網上的 KOL 何止過千萬, 但謝孟恭講既理論及想法非常接近二當家, 二當家開 BLOG 都2年多了, 經過不停學習反思改善後開始有自己既思想, 雖然未完全成熟但開始明白世界怎樣運轉。 謝孟恭教的也是思考方法, 不斷提點散戶什麼可以做, 什麼不能做, 他也明言不推股票, 例如散戶常常以消息去買股票, 他會告訴你消息在新聞上出現時早已失效, 他也不建議只看別人的總結, 要看就看全文, 包括最近的巴老股東大會, Elon Musk 的訪問等, 因為很多媒體誤導後將講者原來的意思改變, 如果要學入門心法, 謝孟恭是非常不錯的建議。
止凡 - 難度 1 *
http://www.cpleung826.com/
https://www.youtube.com/channel/UCnxPTlRxg5geyJ_NIMgJD8Q
在香港投資 BLOGGER 圈中, 有兩位前輩我係非常佩服, 一位是止凡兄, 另一位是市場先生, 兩位都是無私分享, 可惜市場先生已收筆。
先旨聲明, 二當家沒看過一本止凡兄的書, 也沒跟他碰過臉。接觸止凡兄都係睇佢 BLOG 內既文章, 及 youtube。如果要形容止凡兄, 可以講係最 Layman 貼地既 Blogger, 雖然好多人都覺得佢講既野含金量不高, 始終現代人喜歡速食。有營養既野往往就係平平淡淡, 即係飲水同飲汽水既分別, 明明知道汽水無益, 但好多人到最後都係喜歡用汽水當水飲。止凡兄的文章及視頻, 就好似一個老朋友同你吹下水咁, 用最貼地既方式同你討論問題。
鍾記 - 股壇老兵鍾記 長勝之道 - 難度 2 **
http://bennychungwai.blogspot.com/
上面介紹既都係心法或經濟上既分享, 而工具既BLOG 二當家會推鍾記, 鍾記本身有分享自己既 portfolio, 亦會分享他追蹤中既股票價值。我並非建議跟住佢買, 甚至我會同鍾記從估值上有唔同既看法, 始終估值重點在於個「估」字, 大家有不同看法都好正常。而且鍾記會用不同方法不同企業去估值, 二當家覺得讀財務報表係基本功, 睇鍾記學入門會係非常不錯既選擇。
載番個頭盔先, 好既 Blog 仲有好多, 但有好多 Blog 都未必能適合任何時間, 而以上既 BLOG 係二當家長時間觀察及閱讀後, 仍覺得十分推薦。
價格價值 / 溫度體感
有日大當家同我講起係台灣食飯既價錢問題, 佢一直覺得係台灣食飯的價錢好平好抵, 最後我忍唔住同佢講, 你同台灣人講果陣要小心D 。
點解二當家會咁講呢? 眾所就知, 台灣人普遍收入唔高, 雖然物價指數都唔高, 但係大當家好容易就以香港既物價水平去評論貴定平。
例如一杯咖啡, 價錢可以由 TWD 150 平至 25 (全聯咖啡), 個 range 係超級的闊。 以港幣咁計, 最貴都唔駛$40蚊一杯咖啡, 所以大當家直覺地覺得平。 但平或貴這個慨念的相對的, 例如買股價成日講價格及價值,
假設一.
如果有兩隻相近業務既股票(A&B)既年收入 (earning=1)都一樣, 價格亦一樣 (Price =1), 邊隻平邊隻貴呢?
Stock A: Price = 10, Earning = 1
Stock B: Price = 10, Earning = 1
假設二.
A股既 book value 係$10, B股係 $5, 咁你又覺得邊隻貴呢?
Stock A: Price = 10, Earning = 1, Book = 10
Stock B: Price = 10, Earning = 1, Book = 5
假設三.
假設A 股收入年年遞增, B 股則年年遞減, 2020年 Earning 雖然一樣 ,你又點睇呢?
Stock A: Price = 10, = 1, Book = 10
Earning 2018 = 0.1, 2019 = 0.5, 2020= 1
Stock B: Price = 10, Earning = 1, Book = 5
Earning 2018 = 2, 2019 = 1.5, 2020= 1
要將呢個慨念講俾對數字無乜想法既大當家聽, 最簡單既方法就係打個比如。二當家將價格比如為溫度, 將價值(平或貴) 比如為體感, 雖然溫度一樣, 但係唔同人係同一個溫度下會有唔同既感覺 (辦公室經常會發生)。
至於點樣判斷食係台灣食一餐飯係平定貴, 二當家根據非常不科學既方法加上個人經驗, 創下了「除二法」, 簡單而言, 就係將台灣既食物價格除 2 變做港幣價錢, 例如台灣 TWD100 既便當 = HK$ 50 食個飯, 食個西餐 TWD 300 就等於香港既 HKD$150, 去什麼無老鍋要TWD800~900, 就差不多等於香港打邊爐 HKD$400 ~500 落樓。當然, 如果你係個游客, 係台灣你完全唔駛理個價錢, 點都會平過香港。
自此之後, 大當家宜家次次出去食飯都話貴 。 😂
點解二當家會咁講呢? 眾所就知, 台灣人普遍收入唔高, 雖然物價指數都唔高, 但係大當家好容易就以香港既物價水平去評論貴定平。
例如一杯咖啡, 價錢可以由 TWD 150 平至 25 (全聯咖啡), 個 range 係超級的闊。 以港幣咁計, 最貴都唔駛$40蚊一杯咖啡, 所以大當家直覺地覺得平。 但平或貴這個慨念的相對的, 例如買股價成日講價格及價值,
假設一.
如果有兩隻相近業務既股票(A&B)既年收入 (earning=1)都一樣, 價格亦一樣 (Price =1), 邊隻平邊隻貴呢?
Stock A: Price = 10, Earning = 1
Stock B: Price = 10, Earning = 1
假設二.
A股既 book value 係$10, B股係 $5, 咁你又覺得邊隻貴呢?
Stock A: Price = 10, Earning = 1, Book = 10
Stock B: Price = 10, Earning = 1, Book = 5
假設三.
假設A 股收入年年遞增, B 股則年年遞減, 2020年 Earning 雖然一樣 ,你又點睇呢?
Stock A: Price = 10, = 1, Book = 10
Earning 2018 = 0.1, 2019 = 0.5, 2020= 1
Stock B: Price = 10, Earning = 1, Book = 5
Earning 2018 = 2, 2019 = 1.5, 2020= 1
要將呢個慨念講俾對數字無乜想法既大當家聽, 最簡單既方法就係打個比如。二當家將價格比如為溫度, 將價值(平或貴) 比如為體感, 雖然溫度一樣, 但係唔同人係同一個溫度下會有唔同既感覺 (辦公室經常會發生)。
至於點樣判斷食係台灣食一餐飯係平定貴, 二當家根據非常不科學既方法加上個人經驗, 創下了「除二法」, 簡單而言, 就係將台灣既食物價格除 2 變做港幣價錢, 例如台灣 TWD100 既便當 = HK$ 50 食個飯, 食個西餐 TWD 300 就等於香港既 HKD$150, 去什麼無老鍋要TWD800~900, 就差不多等於香港打邊爐 HKD$400 ~500 落樓。當然, 如果你係個游客, 係台灣你完全唔駛理個價錢, 點都會平過香港。
自此之後, 大當家宜家次次出去食飯都話貴 。 😂
Sunday, May 17, 2020
敗走台灣 - 預繳稅與現金流
在疫情影響下, 很多企業的 Cash Flow 也有問題。二當家其實過去台灣後也遇到 Cash Flow 的問題, 分享一下。
在台灣, 作為外僑打工, 政府係會先會先收稅 18% (非居住者 <183天), 183天後(居住者) 作一般處理, 可以選擇「預扣薪水所處於既稅階」或「最底稅階5%」。 而呢183天係每個課稅年度重新計算, 即 2020 年 1 月1 日起再開始計算 183天。
係香港, 習慣左先出糧後交稅, 加上香港稅率低, 加埋4大長老既免稅額都交得唔多, 二當家習慣左每個月都係正現金流。但來到台灣就唔同晒, 首先係大當家無野做, 二當家既家庭洗費多左, 正如之前所說, 來台灣後既家庭開支係少左, 但係家庭收入亦大大地減少 (2人工作變1人工作)。二當家係香港果陣既儲蓄率大慨係 30 ~ 40%。來台灣後估計儲蓄率得番15%左右, 但呢15% 係指稅前收入, 來台灣前無諗過係要先預扣稅, 所以在預扣稅後既收入, 加上開支增加下, 每年有幾個月竟然要負現金流。
上面表格為我既收入狀況, 假設我既每月收入係 100, 在2019 年課稅年度二當家平均已經預扣左15%稅款, 而2020年直到現在 (5月)每月預扣18%, 到2020底平均預扣 11.5%。在台灣, 報稅一般在5~6月, 經過計算後, 二當家係2019年度要交既稅係 5% (因為2019年一月至四月為香港收入, 另外申請全取四大長老的供養金免稅額), 即亦可以收番 10% 預扣稅, 但估計在6~7月才可取回。如上圖所示, 假設收入開支不變, 每年的首6個月二當家要預計負現金流每月3%的流出, 尾6個月才可以有每月10%的正現金流。
而2020年的預估稅率是20%, 2020年年底的平均預扣率是11.5%, 亦即二當家要在2021年的年中前準備 12mths X 100 X (20%-11.5%) = 102 去繳稅。
驟眼咁睇, 好似賺埋都唔夠交稅, 因為2020年度正現金流只有122, 但其中要預留102去交稅。但實際上二當家是簡化了很多收入及開支, 比如雙糧, BONUS (如果有), 一些非經常既開支, 如番香港既機票錢, 做手術既錢, 而日常支出也可控制, 包括之前講同房東傾減租, 食平食貴也可控制。
預視自己既現金流可審視到自己沒有資金短缺既問題。二當家既習慣係存有6個月以上既總開支作為儲備, 有D 朋友保守D既可能去到 8 ~ 12個月儲備。 但無論個底有幾厚都好, 宜家疫情下最大既問題係失業後搵再搵番份工係非常之難, 亦即分分鐘失業時間可長至>12個月。同樣, 有部份企業都未能有確實重啟的時間表, 削減開支為首要任務, 增加存活時間, 負現金流不可怕, 但見不到曙光才可怕。
Thursday, May 7, 2020
投資日誌 2020/04/30 - 一動不如一靜
緊接落三月的股災, 四月份最多人知道應該是大家發現原來油價是可以負錢的, 還有就是巴老把所有航空股票清倉。
二當家亦在4月份時做了幾個交易, 不過非常失敗。大市升番晒, 升到股災之前一樣。 有人睇好, 建議唔同政府對賭, 有人睇淡, 因為實體經濟真係差。人生交差點, 究竟 cask is king, 還是 stock is king?
疫情方面, 亞太區已經穩定落黎, 但係新加坡仲未搞掂, 手上 SG REIT 隻隻都跌25%以上, 希望 新加坡快D 可以減低疫情傳播。
另外開始業績期, 手上有幾隻 BOND 都好危, 最危係呢兩隻 FET (能源) 及 AMC (娛樂)。手上3隻 CEF 都未有 ROC, 繼續 let it run, 其中MMU 有D 低水, 可能會加少少注。第一季美企業績唔算太差, 估計第二季至係最難睇。
以反彈力度來說, 股票反彈強勁, 其他類別無乜點升。
|
|
Performance
|
Distribution
|
|
BOND
|
-21%
|
26%
|
|
CEF
|
-16%
|
6%
|
|
Preferred Stock
|
-16%
|
13%
|
|
SG REIT
|
-28%
|
15%
|
|
Stock
|
-4%
|
34%
|
|
REIT
|
-19%
|
6%
|
|
Grand Total
|
-15%
|
100%
|
YTD -15.4%
失敗的四月 trading 紀念
買入
SDS @ 24.4 - 諗住以小博大, short x2 S&P500, 諗住個市會回一回, 點知回都唔回, 唔好同政府美國對賭, 蝕住走
1883 @ 2.71 - 穩定現金流, long hold
2606 @44.5 - 低水物管, 博一線物管升完去升二線, 不過發現二線總有原因, 唔識升
MSFT @163.1 - 升是比較好的投資, 升勢中追入
賣出
SDS @23
SPY @ 24
1052 @4.53 - 一賣就飛天
1848 @ 6.46 - 一賣就飛天
1928 @ 30
5 @ 40
700 @ 374 - 一賣就飛天 😓
MDT @ 98 - 大當家減持
Top 10 holdings
|
Symbol
|
Description
|
Gain/Loss
|
|
CC 6 5/8 05/15/23 1AB4
|
CC 6 5/8 05/15/23
|
-6%
|
|
1238
|
POWERLONG REAL ESTATE HOLDIN
|
-2%
|
|
165
|
CHINA EVERBRIGHT LIMITED
|
-19%
|
|
2318
|
PING AN INSURANCE GROUP CO-H
|
9%
|
|
823
|
LINK REIT
|
-9%
|
|
9988
|
ALIBABA GROUP HOLDING LTD
|
-5%
|
|
AW9U
|
FIRST REAL ESTATE INVT TRUST
|
-24%
|
|
P40U
|
STARHILL GLOBAL REIT
|
-35%
|
|
BTOU
|
MANULIFE US REAL ESTATE INV
|
-28%
|
|
FFC
|
FLAHERTY & CRUMRINE PREFERRE
|
-10%
|
News
FET
Forum Energy Technologies, Inc has offered to purchase up to 80 Million USD of its outstanding 6.250% Senior Notes due 2021 through a Dutch Auction tender offer.
https://www.marketwatch.com/press-release/forum-energy-technologies-incannounces-commencement-of-tender-offer-and-consent-solicitation-2020-04-15?tesla=y
最後, FET 近日有回購債券計劃, 用一種 Dutch Auction 的型式進行, 上 WIKI 查過, 這個是一種「價低者得」既回購, 每 $1000 蚊面值既債, 公司定價用 $340~400 黎收回, 換句話說即係 3 ~ 4 折收回。回收量只係發行量既 5% 左右, 唔知間公司能否挨過 2021 年。
//A Dutch auction is one of several similar types of auctions for buying or selling goods.[1][2][3] Most commonly, it means an auction in which the auctioneer begins with a high asking price in the case of selling, and lowers it until some participant accepts the price, or it reaches a predetermined reserve price. //
| Title of Security | CUSIP Number | Principal Amount | Tender Cap | Early Tender | Total Consideration | |||||
| Outstanding(1) | Payment (2) | Acceptable Range (2) (3) | ||||||||
| 6.250% Senior Notes due 2021 | 34984V AB6 | $387,830,000 | $80,000,000 | $50.00 | $340.00 to $400.00 |
Monday, May 4, 2020
敗走台灣: 咁就一年...
時間真係過得好快...........咁又一年。
由有relocation呢個念頭, 到有呢個機會, 成功爭取, 整個 move 二當家都有寫下自己既諗法給自己回顧。感謝自己作出呢個決定, 好運地避開了香港社運及肺炎的影響。
除了自己, 感謝大當家的犧牲, 不論係事業上或其他。二當家番工都話仲可以見下人, 有自己既同事。大家當日日係屋企對住 4 幅牆, 我知唔易過。呢一年我地都無交到朋友, 真係番工放工都見住對方, 去邊都一齊, 第一年 settle down 後, 第二年就要繼續搵目標俾自己。二當家個小 project 已開始進行, 大當家亦係另外既方向到她的挑戰。
原本想每季回港一次, 結果, 一年內只回港一次, 而且好好彩咁仲可以投埋票。疫情下, 到到都 lock down, 唔 lock down 都要隔離14天, 一來一回 28日, 好希望疫情快D 過去, 6月份可以回港見見家人。
來到台灣, 好的地方有太多, 不好的地方也有。疫情下台灣打了漂亮的一仗, 希望未來有更好的未來。至於香港的未來, 由港澳辦換班子, 到香港政府換班子, 大家都應該明發生既咩事。中央已有定案, 亦已經強大到唔需要香港, 最多留你一個港交所吸受外資, 其他的一切都不重要。我暫時睇唔到香港既前景, 亦因為咁, 開始考慮申請投資移民到台灣。
Wednesday, April 29, 2020
公正 + M型社會 + 黑天鵝 +路西法效應
二當家既思想有D 跳線, 往往係由一個想法跳去另一個想法, 睇唔明係我既問題, 唔係你既問題。
上面幅圖好多人都睇過, 道理大家都明, 但實際上當有利益衝突時, 有幾多人可以好超然咁接受? 就講今次股災而言, 政府既資助往往係直接流入大企業, 及低下階層, 作為貧窮線以上既打工仔, 工要你番, 稅要你交, 樓要你買/租, 但係往往受到唔政府既幫助, 因為政府覺得你地搞得掂。
香港其實都唔算係福利型社會, 但長期下來既政策不衡, 向上流機會不足下, 呢班打工仔往往就最慘。呢度可以引用一下路西法效應, 制度上既不衡 (分配不均)係好容易引起衝突既。
假設學校都有分午餐, 要令一班原本好好感情既同學反面, 其實好易。 只要將部份同學既份量/質量減少, 而另一部份人增加, 在最理想既情況下係學生自行重新分配。但如果只將一部份人既份量/質量減少, 而另一部份人沒有增量, 學生自行重新分配既意願就會減少。靠自發性既重新發配去平衡其實係一件好難既事, 因為人性本貪, 自私, 尤其係社會上獎勵緊D又貪又自私既人, 變相鼓勵緊呢種行為, 最終只會更多令更多既人加入, 造成更大既不均。
被減少食物既人固然不高興, 而呢種不高興可能會轉去敵視另一批同學或分配者。假設分配者係老師(權威), 所有既不高興情緒自然會轉去無被減少食物果班同學到, 而食物減少既程度會影響佢地既行為, 假設佢地己經去到日日都食唔飽既情況下, 最後可能會發展到搶掠, 打鬥, 甚至挑戰權威。
作為分配者最重要既考量係公平, 但有極多既原因下, 分配者更偏向不公平既分配。而最大既挑戰係如何令到被分配既人覺得自己被公平對待。二當家諗到兩個方法, 1. 只有極少數人受惠
2. 資訊既不透明性 。再回到上圖, 現今社會下, 最理想既情況下當然係 Justice, 人人睇到球賽。
但現實中最有可能發生緊既係一小眾既人坐係 VIP 箱下, 輕輕鬆鬆咁飲住香檳, 嘆住冷氣咁睇球場, 望住呢班仲因為有個木箱企係上面而開心既平民, 心內暗爽, 因為呢班平民連有 VIP 箱既存在都唔知。
M型社會有好多原因, 其中一個原因係「邊個想做水魚」。一係你就盡力向上爬, 一係就讓自己向下流, 做水魚係最慘, 上下一齊壓迫, 住係三百尺唔夠但值幾百萬既屋入面, 心內即刻出現一個想法, 應該夠18歲就抽公屋, 。上一輩既人覺得你唔夠努力, 呢個時候睇番黑天鵝呢本書 (我只係睇左 YOUTUBE), 就會解釋到時代既改變, 亦改變左機會既分配。以前比較多「平均斯坦」, 大家都係有限時間, 有限既能力, 有限既資源去工作, 分配上比較平均。
即係做司機咁, 每個司機都係開8~10個鐘, 大家最多都係開一部車, 多勞多得。但如果自動駕駛真係成功, 創作「自動駕駛」果個團體可能就可以取代成個市場, winner take all. 唔通你去話班司機唔夠努力去開車, 定係要話班司機唔去進修增值自己?
黑天鵝本書入面, 介紹到「極端司坦」就係 high risk high return, 成王敗寇。願意去投資呢筆錢既人往往本物已經肚滿腸肥, 你睇下什麼什麼「天使基金」就知, 講到尾都係魚翁散網, 本身終勝。再者, 低息環境下, 大企業既借貸成本極低, 可以投入改善, 研究, 革新既資源更多, 亦即我地成日講既「護城河」之一。
講左咁耐, 其實我想講既係, 身邊既朋友一個一個咁被炒, 香港人有部份家底厚, 唔憂做既大把。但又有一部人家底無咁好, 又或者剛剛成立小家庭, 今次被炒, 心理上既壓力好大。你說他們工作不努力嗎? 努力又如何? 最終又係得一個大信封。失業率急升, 最終壓力又落番去政府到, 政府又要保企業, 又要保呢班失業既人, 連供緊樓既都要保埋。往後政府應該如何面對龐大既失業人士呢?
~奴動節快樂~😢
Wednesday, April 22, 2020
小生意: 台灣的優勢及劣勢
先說說二當家的小生意, 在香港的公司戶口仲未搞掂, 遙控咁搞真係好 Q 麻煩, 3個月既野搞左半年都仲未開到公司戶口。而近日同大當家討論投資移民的可行性, 因為在3月份台灣的投資移民改了要求,
1. 係經營期由 1年轉做3 年, 如期內執笠有可能會收番個定居權,
2. 要期內請兩名全職台灣員工,
3. 台灣公司要有實體地址 (非網店)
咁其實台灣做既野都好明顯, 第一項係因為好多人黎台灣開間殼, 一年多就執笠, 為左個身份而來。 第二/三項就係希望製造就業機會, 提高門檻。所以是否真係搞移民, 呢個都仲係考慮中, 始終移民既成本唔低。
不過移民係一件事, 搞小生意係另一件事, 二當家之前都講過, 係為了一個客而想做一個 dummy。 其實年頭果陣個客已經話唔係台灣呢邊做, 會番去家鄉搵 supplier, 所以中間二當家又心內涼了一截, 個 project 未開始已經停。但全球疫情漫延底下, 全世界既經濟活動好多都停晒, 二當家覺得個天幫我 buy time, 如果係呢個時候到做到個 dummy 俾個客, 話唔定可以 sell 到。
如是者, 就同我老闆 - 大當家傾下個 idea, 其實之前都講過下, 不過心內始終因為我倆既個人問題而有所保留, 宜家結果已經出左, 無後顧之憂, 而她也休息了一年, 有點蠢蠢欲動。大家商討後, 她也十分 buy in 我的 idea, 亦都覺得有得做, 最後決定 - 去馬 💣!!!
二當家要做既野有專業要求, 之前問個香港freelancer價, 要 HK$/400 以上, 但二當家係台灣, 又番唔到香港住, 搵香港人合作係有D 難度。而在台灣又沒有 network, 所以決定了網上搵 freelancer 去合作 (台灣叫「外包」)。 由於自己又唔熟行情, 所以先去幾個台灣外包網看看, 比教出名的有 Tasker (518), 104 外包, PPT 的 SOHO 版, 睇下D 外包既成交價錢同叫價。
基本上, 用香港人既角度黎睇, 價錢真係非常咁合理, 尤其係D 用無/低成本又非專業類既工作 , 比如設計, 拍照等 (我對所有設計師唔住😅, 我知你地有你地既專業性), 都係平到笑。如果你要搵某類專業人士, 其實台灣都好多 (尤其寫 APP, 設計 PCB, 剪片等), 要知道台灣既大學入學率係 9X %, 雖然讀書大學唔代表 D 咩, 但人力資源充足及相對便宜, 對創業者來說係一個福音, 始終資本有限。
而租金水平亦無可能同香港比, 係 GAMER.TW 到搵到一篇非常詳盡既開銷報告, 再加上網上 KOL 拍既實況紀錄, 心內都已經有個底。 如果要係台北開地鋪, 店面租金 around NT$30000~50000 (約一千尺, 月租HK$10000), 人工每人每月約 ( NT$30000~NT$40000)。成本雖然有數得計, 但台灣人既消費力真係唔強, 食個飯 NT$150 內, 所以做內銷其實唔易做。早前同個台灣朋友傾, 佢話好多台灣人都鐘意做生意, 但係主力做小生意, 所以有大量小店爭生意, 利潤不會太高。再加上國內消費力唔強, 年青人向上流既動力一般。朋人又說台灣人都愛錢, 但好多時唔肯等價交換 (加班, 犧牲個人時間), 無向上流既動力, 大家聽下就算, 二當家自己就不盡同意。
在台灣做生意, hardskill 易搵, softskill 難求。 softskill 包括語言, business mindset, 國際視野等。
例如一般香港人講講下野或多或少都會夾雜英文, 但如果同台灣人對話時夾雜英文, 好多時佢地都會聽唔明, 簡單如點咖啡, 在香港叫杯 cappuccino, 應該好多地方都明, 我甚至唔知cappuccino在香港的翻譯, 因為唔會用到。但在台灣, 你叫cappuccino, 好多台灣人只會「黑人問號」,唔知你講乜, 主動性強D 既只會問你「是否卡布奇諾?」無錯, 在台灣 cappuccino就係叫做卡布奇諾。
至於 business mindset, 其實同整個地方既風氣有關, 台灣就係以人為本, 香港係以錢為本。係香港, 同人傾生意, 利益大於關係。而係台灣, 關係大於利益, 無人脈唔單單係事倍功半, 甚至乎係寸步難行。簡單如租個店面, 複雜有如利益衝突, 上法院等事情 (我都係上網聽人講), 原來靠關係都可以解決。
另外就係國際視野, 例如平面設計, 餐品包裝設計等, 店舖裝潢等, 其實同香港都仲有好大距離。請別誤會, 二當家唔係想話台灣點差, 香港點好, 只係作為一個係兩個地方都工作/生活過既人, 加上自己係外資打滾左一段時間, 知道中間既差異係邊到。
而作為小小小創業家, 要思考既係如何利用地方優勢去幫助自己 及 盡可能避免地方劣勢的影響, 希望不日有更多既 update.
【心得】分享一下開了兩年咖啡店的心得 有心想開咖啡店的進來
Subscribe to:
Posts (Atom)