唔怕你傻、唔怕你呆、至怕你唔來 之 挖幣投資

「三代無憂」挖幣投資 回報急挫99% 12「礦工」誤信火燎森 320萬凍過水


//袁海文批評，火燎森及涉事公司至少涉6大不當行為，包括誇大回報、涉失實陳述、忽視風險、沒有披露利益、訂立魔鬼條款及慫恿借貸//


今次真係「花生滿地」, 二當家留個 POST 去紀念一下自己既心路歷程。

首先, 我要承認, 其實我係有諗過買 BITCOIN 既, 只不過個價錢太貴, 又太難估計佢個VALUE, 到最後當然無出手。咁點解會想買, 最主要當然係升值快, 一日10%上落, 加上傳媒吹棒其投資價值, 未來既應用等。

二當家自問都對電腦算是「較為」有認識, 所以都覺我 Blockchain係有發展潛力既, 但作為投資工具呢, 回報就真係難以預料。

以我所知,  BLOCKCHAIN 係一種技術, 特點係去中心化, 安全。而 BITCOIN 只係作為應用既一部份。而一眾財演做既, 一係開班教你炒賣ICO (首次代幣發行市場), 一係教你掘礦, 至於掘礦既要求好簡單, 有部電腦就得, 想快D咪買多張 DISPLAY CARD。

而BITCOIN 作為虛擬貨幣, 其慨念其實同黃金一樣, 第一是供應係有上限, 第二是開採速度會越黎越慢。 而其價值最主要取決於其認受性, 而認受性又取決於地方上最大既機構, 即係政府。所以當時二當家都不停咁睇左唔同國家對BITCOIN既態度, 當初我以為無國家會承認呢樣野, 但係又估唔唔到開始越黎越多國家/地方接受 BITCOIN。

問一個問題以供討論: 假設如果BITCOIN 係現實中換唔番錢, 但係可以網上買野 (即係類似 ASIAMILES 既積分咁), 你會選擇投資嘛? 

講到呢到, 都唔係講緊個騙局, 騙局係一班財演用BITCOIN或其他貨幣發展出黎既ICO, 貨幣合約, 賣礦機, 開礦場等。

因為BLOCKCHAIN 其實只係一個技術, 只要你掌握到呢個技術, 其實每個人都可以開發一隻新貨幣, 而首次代幣發行市場 (ICO) 就成為 CAP 水既工具。因為暫時ICO係唔立入規管, 所以當中有好多人就吹個故事出黎, 話第時呢隻代幣既前景點好點好, 就昆一班傻仔入局。

另外就係賣礦機, 開礦場, 包括高價賣低SPEC既礦機, 話係保證回報既投資計畫/合約, 有興趣再睇一次幣少既 TVB 既訪問, 真心笑出黎。市面上有幾位財演明爭暗斗, 說到底都係塘水滾塘魚, 傻仔有限, 我唔攻擊你點搶你 MARKET SHARE。

「利大本無歸」, 前人既智慧係有參考價值既, 如果下次有人同你講「必賺」或「 1年可以回本」等說話, 首先照照鏡, 諗清楚自己有幾醒先, 二當家就寧願賺少D, 都好過連本都無埋。

加藤鷹出虛擬貨幣！？「AV幣」可能是成人業界救星
Open source money: Bitcoin, blockchain, and free software