香港問題「面斥不雅」

同大當家討論香港宜家有咩問題, 留隻字紀念一下。

簡單D講, 人既行為係受兩樣野限制, 一係「法律」, 一係「道德」
一般黎講「道德」既要求係較高, 「法律」較底
而「道德」係一般人認同既標準, 例如以前D人講既「尊師重道」, 並唔係「法律」要求, 而係一般人認同既行為

「面斥不雅」是什麼? 就是說你的行為不合標準。

而今日既香港, 我覺得問題係大家都睇得自己太重, 唔會太理會人地感受 (有太多原因, 例如手機既入侵)。人唔再受「道德」既規範, 而在網上, 甚至可以隱姓埋名咁發佈任何挑釁既言論。
係地鐵有人打機開到大大聲, 有人係街到開O急, 甚至在日本的地鐵, 亦有香港/中國人講電話, 但這些行為其實法律上管不了, 某程度上係要靠自律, 但當大家都不再在意別人的眼光, 並放下「道德」的規限, 人既行為就開始放縱。所以黃子華說了「搵食啫，犯法呀」,「有着數就正義原則，無着數就乜都掉得，呢個世界唔係咁嘅咩？」

在香港, 除左錢同自己, 無野再重要, 只要唔犯法就乜都得 (某程度這個想法已經深入民心), 炒炒賣賣, 呃呃乙水乙水。人既行為由用「道德」做標準去衡量, 變左做「搵到幾多錢」去衡量。有樓有車就梗係好仔, 無樓無車做地盤就一定係無前途。

另外就係「魚蛋論」既自私心態, 無論咩都好, 只要得益既無我份就咩都唔好。老頑童倪匡係個訪問到講, 香港人越黎越無智慧, 只講立場, 不講道理。三人行兄講既填海搵地問題就正正反映緊呢個問題, 郊野公園唔好, 填海唔好, 收樓唔好, 收農地唔好, 最後只問, 點解你唔收番個高爾夫球場?

政府同人民無信任, 其實行咩政策都係死, 因為任何政策到最後都會有得益者。好多香港人既諗法係唔可以益發展商, 所以咩都反, 但香港既發展商已經係 Too Big Too Fail, 基本上無可能唔益佢地。

當然, 點解會有今日既呢種不信任, 我只可以講, 「因果」黎既。倪匡話, 香港已經無得救, 係遲早問題, 我除左同意之外都唔知可以講咩。

魚蛋論
「做咩呀？做咩大家買串魚蛋（一樣）咁多錢，佢串魚蛋多我兩粒㗎？
我唔要你比番兩粒我，我要你攞走佢果兩粒！大家少兩粒，咁就公平呀！

做乜佢有甜醬我冇呀？
我唔要你比甜醬我，我要你舔走佢果啲甜醬！大家都唔甜，咁就公平呀！

做咩佢又無咗甜醬，又無咗兩粒，佢仲食得咁開心呀？唔公平！
咁點先公平呀？大家都唔開心囉！大家食得好仆街咁囉！

」