惡夢 - 莊周夢碟

圖片為電影<追擊者>, 超級推薦

//昔者莊周夢為胡蝶，栩栩然胡蝶也。（自喻適志與！）不知週也。俄然覺，則蘧蘧然週也。不知週之夢為胡蝶與？胡蝶之夢為週與？（週與胡蝶則必有分矣。）......此之謂物化。//

《齊物論》


二當家好鐘意睇戲, 尤其係近呢十幾年既韓國既劇情片係非常之咁出色, 如<黃海>, <原罪犯>, <追擊者>, <下女>等, 當中既暴力美學亦到令二當家慾罷不能。港產其實都有好多不錯既片, 如<踏血尋悔>, <藍天白雲>等, 呢兩套仲要係以真人真事去改篇, 令到真實感大增。

唔知係唔係睇得太多呢類型既戲, 係幾個月前, 二當家發左個夢, 係講二當家同幾個朋友殺左另一個朋友 (我估自己將荃灣 DAN6案件同自己既記憶聯繫左), 仲用石屎藏屍, 當我醒番果陣個感覺係非常之真實, 因為夢入面出現既人都同現實中亦存在, 加上記憶真係有D 混亂, 係起身之後我有懷疑過自己係咪真係殺左人......
花了半日力氣去休息之後, 呢個夢既影響亦慢慢凋淡左, 我亦無同大當家講, 因為始終好似有D 唔好意思。

尋晚, 呢個夢竟然有 PART 2, 夢中死者既家人開始找尋死者, 並相約我同幾個朋友問番案發當日既細節, 二當家同幾個朋友想再確認屍體唔會被搵到, 所以想再回到藏屍地點, 突然間, 發現被數人跟蹤.....

二當家起身果下, 真係覺得自己殺左人, 隨即拎起部電話掃下 FB, 睇下夢中死者仲有冇更新, 點知夢中死者又係CD-ROM 黎, 得個 ACCOUNT 無 UPDATES, 一時間都唔知點証實........

到最後清醒番D果陣, 二當家記得我另一個朋友應該之前有聯絡過夢中死者, 所以至放下心頭大地。而今次二當家亦有向大當家和盤拓出, 唔知自己係精神錯亂定係壓力太大, 要快D 做下其他野分心先 (例如: RDR2 😝)。